Progast - პროგასტი 30მგ 28 კაფსულა

განსაკუთრებული ფასი 31,43 ლ რეგულარული ფასი 40,85 ლ
ხელმისაწვდომობა: მარაგშია
კოდი:
42299_1044
მწარმოებელი:
DEVA
არცერთი:
გამოყენების ჩვენება · თორმეტგოჯა ნაწლავის წყლულოვანი დაავადების ხანმოკლე (4 კვირის განმავლობაში) და შემანარჩუნებელი მკურნალობა.

საერთაშორისო არაპატენტირებული დასახელება:Lansoprazole
შემადგენლობა
თითო მიკროპელეტური კაფსულა შეიცავს:
აქტიურ ნივთიერებას: ლანსოპრაზოლს 30 მგ-ს (ენტერალური გარსის მქონე
მიკროპელეტის სახით).
დამხმარე ნივთიერებები: ნატრიუმის ლაურილსულფატი,
მეთილჰიდროქსიპროპილცელულოზა, ტალკი, პოლიეთილენგლიკოლი 6000,
პოლისორბატი 80, პოლიაკრილატი, შაქრის სფეროები, სიმინდის სახამებელი, საქაროზა,
წყალი გაწმენდილი, მეგლუმინი (N-მეთილგლუკამინი), მანიტოლი, ტიტანიუმის
დიოქსიდი.
ფარმაკოთერაპიული ჯგუფი
H+
-K+
-ატფ-აზას (პროტონული ტუმბოს) ინჰიბიტორი. პრეპარატები, რომლებიც
გამოიყენება მჟავიანობის დარღვევასთან დაკავშირებული მდგომარეობების დროს.
ათქ კოდი: A02Bჩ03.
ფარმაკოლოგიური თვისებები
ფარმაკოდინამიკა
მოქმედების მექანიზმი: პერორალური მიღების შემდეგ ლანსოპრაზოლი აბლოკირებს
მარილმჟავას სეკრეციას პროტონული ტუმბოს (H+
-K+
-ატფ-აზა, ფერმენტული სისტემა
კუჭის პარიეტალური უჯრედების სეკრეტორულ ზედაპირზე) ინჰიბირების გზით.
აღნიშნული მოქმედება არის დოზადამოკიდებული და უზრუნველყოფს ბაზალური და
სტიმულირებული სეკრეციის ინჰიბირებას მასტიმულირებელი ფაქტორის მიუხედავად.
დოზის მიხედვით ლანსოპრაზოლი დაახლოებით 36 საათში აბლოკირებს
პენტაგასტრინით სტიმულირებულ მარილმჟავას სეკრეციას.
ანტისეკრეტორული მოქმედება: პერორალური მიღების შემდეგ ლანსოპრაზოლი
მნიშვნელოვნად ზრდის კუჭის წვენის პH საშუალო სადღეღამისო მნიშვნელობას; გარდა
ამისა, მნიშვნელოვნად და სწრაფად ამცირებს ბაზალურ და პენტაგასტრინით
სტიმულირებულ მარილმჟავას სეკრეციას, ასევე მნიშვნელოვნად ამცირებს სეკრეტის
მოცულობას და საკვების მიღებით სტიმულირებული მარილმჟავას სეკრეციის სიჩქარეს.
ლანსოპრაზოლი მოქმედებს სეკრეტის მოცულობაზე, მჟავიანობასა და მჟავას გამოყოფაზე.
მოქმედება ენტეროქრომაფინის მსგავს უჯრედებზე: კლინიკურმა კვლევებმა აჩვენა, რომ
ლანსოპრაზოლის გამოყენებისას სულ მცირე 1 წლის განმავლობაში არ აღინიშნებოდა
ენტეროქრომაფინის მსგავს უჯრედების ჰიპერპლაზია, როგორც კუჭის ავთვისებიანი
სიმსივნის წარმოქმნის რისკის ფაქტორი.
მოქმედება საყლაპავსა და კუჭზე: ლანსოპრაზოლი მნიშვნელოვნად აფერხებს კუჭის
მოტორულ-ევაკუატორულ ფუნქციას, ამასთან, არ მოქმედებს საყლაპავის ქვედა
2
სფინქტერის მოტორიკასა და ტონუსზე; ზრდის პეპსინოგენის დონეს პლაზმაში და ხელს
უშლის პეპსინის გამომუშავებას.
მოქმედება პლაზმაში გასტრინის დონეზე:ლანსოპრაზოლი არ ახდენს მნიშვნელოვან
ზემოქმედებას პლაზმაში გასტრინის დონეზე.
მოქმედება ენდოკრინულ სისტემაზე: ლანსოპრაზოლი არ ახდენს კლინიკურად
მნიშვნელოვან მოქმედებას ენდოკრინულ სისტემაზე. 2-8 კვირის განმავლობაში დღეში 15-
60 მგ პერორალურად მიღებისას ლანსოპრაზოლი არ ახდენს მნიშვნელოვან მოქმედებას
ფარისებრი ჯირკვლის ფუნქციაზე.
მოქმედება სხვა სისტემებზე: არ აღინიშნებოდა ლანსოპრაზოლის რაიმე სისტემური
მოქმედება ცნს-ზე, ლიმფურ, სისხლმბად, გულ-სისხლძარღვთა, სასუნთქ სისტემებზე,
ასევე თირკმელებსა და ღვიძლზე.
ფარმაკოკინეტიკა
შეწოვა: შიგნით მიღებისას ლანსოპრაზოლი, რომელსაც შეიცავს ენტერალური
(მჟავიანობის მიმართ მედეგი) გარსით დაფარული კაფსულა მიკროპელეტი გრანულების
სახით, სწრაფად შეიწოვება ნაწლავში. პერორალური მიღების შემდეგ ბიოშეღწევადობა
შეადგენს 80%-ზე მეტს. სისხლში პრეპარატის მაქსიმალური კონცენტრაცია განისაზღვრება
1.5-2.2 საათში. პრეპარატის უზმოზე მიღებისაგან განსხვავებით, საკვებთან ერთად
მიღებისას ლანსოპრაზოლის ბიოშეღწევადობა მცირდება 50%-ით.
განაწილება:ლანსოპრაზოლი 97%-ით უკავშირდება პლაზმის ცილებს. პლაზმურ
ცილებთან შეკავშირების ხარისხი შეცვლილია ლანსოპრაზოლის 0,05-5,0 მკგ/მლ
კონცენტრაციის დროს.
მეტაბოლიზმი:ლანსოპრაზოლი მეტაბოლიზდება ღვიძლში მცირე ანტისეკრეტორული
აქტივობის მეტაბოლიტებისა და არააქტიური მეტაბოლიტების წარმოქმნით.
ლანსოპრაზოლი მოქმედებს კუჭის პარიეტალური უჯრედების პროტონურ ტუმბოზე 2
აქტიური მეტაბოლიტის მეშვეობით, რომლებიც არ ვლინდება სისხლში.
ნახევარგამოყოფის პერიოდი შეადგენს 2 საათზე ნაკლებს, მაგრამ ეს არ მოქმედებს მჟავის
სეკრეციის ხანგრძლივობაზე, რადგან სეკრეციის ინჰიბირება გრძელდება 24 საათზე მეტი
დროის განმავლობაში. პრეპარატის ხანგრძლივი გამოყენება არ იწვევს ლანსოპრაზოლის
დაგროვებას და არ ცვლის მის ფარმაკოკინეტიკას.
გამოყოფა:ლანსოპრაზოლი გამოიყოფა ძირითადად ნაღველთან ერთად, ხოლო დოზის 15-
30% - შარდთან ერთად.
ხანდაზმული ასაკის პაციენტებში
ხანდაზმული ასაკის პაციენტებში ლანსოპრაზოლის კლირენსი ოდნავ მცირდება, მაგრამ
აღნიშნული არ საჭიროებს დოზის კორექციას.
ბავშვებში
ლანსოპრაზოლის ფარმაკოკინეტიკა ბავშვებში და 1-17 წლის მოზარდებში არის
მოზრდილების მსგავსი.
თირკმელების ფუნქციის დარღვევა
თირკმელების დარღვეული ფუნქციის მქონე პაციენტებში დოზის კორექტირებას არ
საჭიროებს.
ღვიძლის ფუნქციის დარღვევა
3
ნახევარგამოყოფის პერიოდის გახანგრძლივების გამო ღვიძლის ფუნქციის გამოხატული
დარღვევების დროს პრეპარატის დოზა უნდა შემცირდეს.
გამოყენების ჩვენება
· თორმეტგოჯა ნაწლავის წყლულოვანი დაავადების ხანმოკლე (4 კვირის განმავლობაში)
და შემანარჩუნებელი მკურნალობა.
· H. pylori-ს ერადიკაცია თორმეტგოჯა ნაწლავის წყლულოვანი დაზიანებების
რეციდივის რისკის შემცირების მიზნით (კომბინირებული - ორმაგი და სამმაგი
თერაპიის შემადგენლობაში).
· თორმეტგოჯა ნაწლავის წყლულოვანი დაავადების ხანმოკლე (8 კვირის განმავლობაში)
მკურნალობა გამწვავების ფაზაში.
· კუჭის ინდუცირებული წყლულოვანი დაზიანებების განვითარების რისკის შემცირება
და აასს-ით მკურნალობა.
· გასტროეზოფაგური რეფლუქსის სიმპტომური მკურნალობა.
· ეროზიული ეზოფაგიტის ხანმოკლე ან შემანარჩუნებელი მკურნალობა.
· პათოლოგიური ჰიპერსეკრეტორული მდგომარეობების, მათ შორის ზოლინგერ-
ელისონის სინდრომის მკურნალობა.
· გასტროეზოფაგური რეფლუქსის და ეროზიული ეზოფაგიტის ხანმოკლე მკურნალობა,
რომლებიც შესაძლოა განვითარდეს 1-11 წლის ბავშვებში.
უკუჩვენებები
მომატებული მგრძნობელობა ლანსოპრაზოლის ან პრეპარატის სხვა რომელიმე
კომპონენტის მიმართ.
ურთიერთქმედება სხვა სამკურნალო საშუალებებთან
ლანსოპრაზოლით კუჭის მჟავის სეკრეციის ხანგრძლივი ინჰიბირება იწვევს ატაზანავირის
აივ პროთეაზის ინჰიბიტორის კონცენტრაციის შემცირებას, რომელმაც, თავის მხრივ,
შესაძლოა შეამციროს ატაზანავირის თერაპიული ეფექტი და გახდეს მის მიმართ აივ
რეზისტენტობის განვითარების მიზეზი. ამიტომ ატაზანავირის მიღება არ შეიძლება
ლანსოპრაზოლთან ან პროტონული ტუმბოს სხვა ინჰიბიტორებთან ერთად.
ლანსოპრაზოლი იწვევს კუჭის მჟავის სეკრეციის დათრგუნვას, ამიტომ თეორიულად
შესაძლებელია ბიოშეღწევადობის პH-დამოკიდებული პრეპარატების შეწოვის შეფერხება
(მაგალითად, კეტოკონაზოლი, ამპიცილინი, რკინის მარილები, დიგოქსინი). მიუხედავად
იმისა, რომ ლანსოპრაზოლი მეტაბოლიზდება ციტოქრომების P450 ფერმენტული სისტემით
(განსაკუთრებით, იზოფერმენტების ჩYP3A და ჩYP2ჩ19-ის მეშვეობით), ჯანმრთელ
მოხალისეებზე ჩატარებულმა კვლევება აჩვენა, რომ ის არ იწვევს კლინიკურად
მნიშვნელოვან ურთიერთქმედებას პრეპარატებთან, რომლებიც მეტაბოლიზდებიან
აღნიშნული სისტემით, ისეთებთან, როგორიცაა ვარფარინი, ანტიპირინი, ინდომეტაცინი,
ასპირინი, იბუპროფენი, ფენიტოინი, პრედნიზოლონი, პროპრანოლოლი, ალუმინისა და
მაგნიუმის შემცველი ანტაციდები, დიაზეპამი. ლანსოპრაზოლისა და თეოფილინის
ერთდროულად გამოყენებისას შესაძლებელია თეოფილინის კლირენსის უმნიშვნელო
მომატება (10%-ით), ამიტომ თეოფილინთან ერთდოულად მიღებისას დოზის კორექციის
მიზნით საჭიროა ექიმის მუდმივი კონტროლი. ლანსოპრაზოლისა და ვარფარინის
4
ერთდროულად მიღებისას აღინიშნებოდა პროთრომბინის დროის (პ/დ) და საერთაშორისო
ნორმალიზებული შეფარდების (სნშ) გაზრდა, ამიტომ აღნიშნულ შემთხვევებში
პაციენტებში საჭიროა პ/დ და სნშ კონტროლი. სუკრალფატთან ერთდროულად გამოყენება
ანელებს აბსორბციას და აქვეითებს ლანსოპრაზოლის ბიოშეღწევადობას 17%-ით, ამიტომ
ლანსოპრაზოლი მიიღება სუკრალფატის მიღებამდე სულ მცირე 30 წუთით ადრე.
ლანსოპრაზოლისა და ანტაციდების ერთდროულად მიღებისას რაიმე ურთიერთქმედება
არ აღინიშნებოდა.
განსაკუთრებული მითითება
ლანსოპრაზოლით სიმპტომურმა მკურნალობამ შეიძლება შენიღბოს სიმპტომატიკა და
გადაავადოს სწორი დიაგნოსტიკა, აღნიშნულთან დაკავშირებით კუჭის წყლულზე ეჭვის
შემთხვევაში საჭიროა გამოირიცხოს პროცესის ავთვისებიანობა. ლანსოპრაზოლი
მეტაბოლიზდება ღვიძლში და ძირითადად გამოიყოფა ნაღველთან ერთად, ამიტომ, ისევე
როგორც ხანდაზმული ასაკის პაციენტებში, ღვიძლის ფუნქციის საშუალო და მძიმე
ხარისხის დარღვეული ფუნქციის მქონე პაციენტებში შეიძლება შეიცვალოს პრეპარატის
ფარმაკოკინეტიკური პროფილი. ლანსოპრაზოლი სიფრთხილით გამოიყენება ღვიძლის
ფუნქციის დარღვევების მქონე პაციენტებში. ღვიძლის ფუნქციის მძიმე დარღვევისას
ლანსოპრაზოლის დოზა არ უნდა იყოს დღე-ღამეში 30 მგ-ზე მაღალი.
გამოყენება ორსულობის დროს და ლაქტაციის პერიოდში
ორსულობა (კატეგორია B)
მიუხედავად იმისა, რომ ლანსოპრაზოლის მაღალი დოზების გამოყენება ცხოველებში არ
ახდენდა უარყოფით მოქმედებას რეპროდუქციულ სისტემასა და ნაყოფზე, ადეკვატური
და კარგად კონტროლირებადი კვლევები ორსულ ქალებში პრეპარატის გამოყენებასთან
დაკავშირებით არ არის. ამიტომ ორსულობის დროს პრეპარატი გამოიყენება მხოლოდ
აუცილებლობის შემთხვევაში.
ლაქტაცია
ცნობები ორსულ ქალებში დედის რძეში ლანსოპრაზოლის გამოყოფის შესახებ არ არის.
პრეპარატების უმრავლესობა გამოიყოფა დედის რძეში, ამიტომ ლაქტაციის პერიოდში
პრეპარატის გამოყენების აუცილებლობის შემთხვევაში საჭიროა გადაწყდეს საკითხი
ძუძუთი კვების შეწყვეტასთან დაკავშირებით.
გამოყენება ბავშვებში
ლანსოპრაზოლის გამოყენება 1-17 წლის პედიატრიულ პაციენტებში გასტროეზოფაგური
რეფლუქსისა და ეროზიული ეზოფაგიტის ხანმოკლე სიმპტომური მკურნალობის დროს
იყო ეფექტური და უსაფრთხო.
გვერდითი მოვლენები, რომლებიც აღინიშნება ამ ჯგუფის პაციენტებში, იყო
მოზრდილებში აღნიშნულის მსგავსი. 1 წლამდე ასაკის ბავშვებში პრეპარატი არ ინიშნება
გამოყენების უსაფრთხოების შესახებ ინფორმაციის არ არსებობის გამო.
გამოყენება ხანდაზმული ასაკის პაციენტებში
5
ხანდაზმული და უფრო ახალგარზრდა ასაკის პაციენტებში ლაბორატორიულ ტესტებში
გვერდითი მოქმედებებისა და გადახრების მსგავსობის გამო დოზის კორექციას ამ
შემთხვევებში არ საჭიროებს.
გამოყენება თირკმელების ფუნქციის დარღვევისას
თირკმელების ფუნქციის დარღვევების მქონე პაციენტებში დოზის კორექცია საჭირო არ
არის.
გამოყენება ღვიძლის ფუნქციის დარღვევისას
ღვიძლის ფუნქციის გამოხატული დარღვევისას პრეპარატის დოზა უნდა შემცირდეს.
გამოყენების წესი და დოზა
პროგასტის™ მიღება რეკომენდებულია შიგნით, დილით საკვების მიღებამდე. შეიძლება
ანტაციდებთან ერთად მიღება. პრეპარატით მკურნალობის რეკომენდებული დოზები
არის:
თორმეტგოჯა ნაწლავის წყლულოვანი დაავადების შემანარჩუნებელი მკურნალობა:
თითო კაფსულა (15 მგ) ერთხელ დღეში.
მკურნალობა H. პყლორი-ს ერადიკაციის მიზნით:
აღნიშნული ჩვენების დროს ლანსოპრაზოლი შედის კომბინირებული - ორმაგი და სამმაგი
თერაპიის შემადგენლობაში. 30 მგ კაფსულები ინიშნება 2 და 3 ჯერ დღეში მკურნალობის
სქემის მიხედვით.
კუჭის წყლულოვანი დაავადების ხანმოკლე მკურნალობა გამწვავების ფაზაში:
30 მგ კაფსულები ერთხელ დღეში 8 კვირის განმავლობაში.
კუჭის ინდუცირებული წყლულოვანი დაზიანებების განვითარების რისკის შემცირება და
აასს-ით მკურნალობა:
განვითარების რისკის შესამცირებლად რეკომენდებულია თითო 15 მგ კაფსულა ერთხელ
დღეში 12 კვირის განმავლობაში, სამკურნალოდ - თითო 30 მგ კაფსულა ერთხელ დღეში 8
კვირის განმავლობაში.
გასტროეზოფაგური რეფლუქსის სიმპტომური მკურნალობა:
თითო 15 მგ კაფსულა ერთხელ დღეში.
ეროზიული ეზოფაგიტის ხანმოკლე მკურნალობა:
ხანმოკლე მკურნალობისას ინიშნება თითო 30 მგ კაფსულა ერთხელ დღეში. იმ
შემთხვევაში, თუ 8 კვირის განმავლობაში პრეპარატით მკურნალობისას არ იქნა მიღწეული
სრული გამოჯანმრთელება ან აღინიშნება ეროზიული ეზოფაგიტის რეციდივი, უნდა იქნას
მიღებული გადაწყვეტილება მკურნალობის კურსის შესაძლო გაგრძელების შესახებ კიდევ
8 კვირით.
პათოლოგიური ჰიპერსეკრეტორული მდგომარეობების, მათ შორის ზოლინგერ-ელისონის
სინდრომის მკურნალობა:
პაციენტის მდგომარეობის მიხედვით საწყისი დოზა შეადგენს 60 მგ-ს ერთხელ დღეში,
აუცილებლობის შემთხვევაში დღე-ღამის დოზას ზრდიან 90 მგ-მდე, მაგრამ 120 მგ-ზე
მეტი დოზის მიღებისას ის უნდა განაწილდეს რამდენიმე მიღებაზე. ზოგ შემთხვევაში
მკურნალობის კურსი შეიძლება გაგრძელდეს 4 წელზე მეტი.
6
პაციენტებისათვის ნაზოგასტრალური ზონდით კაფსულები გახსენით და კაფსულების
შიგთავსი (გრანულები) დაუფშვნელად შეურიეთ 40 მლ ვაშლის წვენში (არ შეურიოთ სხვა
სასმელებს) და შეიყვანეთ კუჭში ნაზოგასტრალური ზონდის მეშვეობით. გრანულების
მიღების შემდეგ ნაზოგასტრალური ზონდი უნდა გამოირეცხოს ვაშლის წვენის
დამატებითი მოცულობით.
ხანდაზმული ასაკის პაციენტებისა და თირკმელების ფუნქციის დარღვევების მქონე
პაციენტებში დოზის კორექტირება საჭირო არ არის, მაგრამ ღვიძლის ფუნქციის
გამოხატული დარღვევებისას საჭიროა პრეპარატის დოზის კორექტირება.
გასტროეზოფაგური რეფლუქსის და ეროზიული ეზოფაგიტის ხანმოკლე მკურნალობა 1-11
წლის ბავშვებში:
30 კგ-ზე დაბალი სხეულის მასის მქონე 1-11 წლის ბავშვებს - თითო 15 მგ კაფსულა დღეში
12 კვირის განმავლობაში, 30 კგ-ზე მეტი სხეულის მასით - თითო 30 მგ კაფსულა დღეში 12
კვირის განმავლობაში. თუ 2 კვირაში არ ხდება გაუმჯობესება, შეიძლება საჭირო გახდეს
დოზის გაზრდა (30 მგ-მდე 2 ჯერ დღეში). ამ შემთხვევაში ბავშვებში ან სხვა პაციენტებში
კაფსულების გადაყლაპვის სიძნელის არსებობისას გახსენით კაფსულები და მასში
არსებული გრანულები დაუფშვნელად დაყარეთ 1 სუფრის კოვზ იოგურტს ან ვაშლის
პიურეს ან გაურიეთ მცირე რაოდენობის ვაშლის, ფორთოხლის ან პომიდვრის წვენში და
დაუყოვნებლივ დალიეთ.
არაეროზიული გასტროეზოფაგური რეფლუქსის მკურნალობა 1-17 წლის ბავშვებში:
1 კაფსულა (15 მგ) ერთხელ დღეში 8 კვირის განმავლობაში.
ეროზიული ეზოფაგიტის ხანმოკლე მკურნალობა 12-17 წლის ბავშვებში:
1 კაფსულა (30 მგ) ერთხელ დღეში 8 კვირის განმავლობაში.
გვერდითი მოქმედება
ლანსოპრაზოლი კარგად აიტანება ავადმყოფების მიერ როგორც ხანმოკლე, ასევე
ხანგრძლივი მკურნალობის დროს. პრეპარატის გამოყენებისას შეიძლება აღინიშნოს
შემდეგი რეაქციები:
კუჭ-ნაწლავის ტრაქტის მხრივ:
ხშირად: დიარეა ან შეკრულობა, გულისრევა, მუცლის ტკივილი.
ნერვული სისტემის მხრივ:
ხშირად: თავის ტკივილი.
კანისა და რბილი ქსოვილების მრივ:
ხშირად: გამონაყარი კანზე.
შემანარჩუნებელი მკურნალობის დროს ყველაზე ხშირად აღინიშნება დიარეა.
მკურნალობის შეწყვეტისას ეს მოვლენები ქრება.
ხანმოკლე და ხანგრძლივი მკურნალობის დროს ძალიან იშვიათად (1%-ზე ნაკლები)
აღინიშნებოდა შემდეგი რეაქციები:
ზოგადი:
იშვიათად: ასთენია, ალერგიული რეაქციები, ზურგის ტკივილი, კანდიდოზი, კარცინომა,
ტკივილი გულ-მკერდის უკან, შეშუპება, ციება, გრიპის მსგავსი სინდრომი, არასასიამოვნო
სუნი პირის ღრუდან, ინფექცია, შეუძლოდ ყოფნა, კისრის ტკივილი, ტკივილი მენჯის
ორგანოების არეში.
გულ-სისხლძარღვთა სისტემის მხრივ:
7
იშვიათად: სტენოკარდია, არითმია, ბრადიკარდია ან ტაქიკარდია, თავის ტვინის სისხლის
მიმოქცევის დარღვევა, ჰიპერტენზია/ჰიპოტენზია, შაკიკი, მიოკარდიუმის ინფარქტი,
გულისცემა, შოკი (გონების არევა), სინკოპე (გულყრა), ვაზოდილატაცია.
კუჭ-ნაწლავის ტრაქტის მხრივ:
იშვიათად: ანორქსია, ბეზოარი, კარდიოსპაზმი, ქოლელითიაზი, შეკრულობა, პირის
სიმშრალე/წყურვილი, დისპეფსია, დისფაგია, ბოყინი, ეზოფაგოსტენოზი, წყლულოვანი
ეზოფაგიტი, ეზოფაგიტი, განავლის გაუფერულება, მეტეორიზმი, ფუნდალური
ჯირკვლოვანი პოლიპები, გასტროენტერიტი, სისხლდენა კუჭ-ნაწლავიდან, ჰემატემეზისი
(სისხლიანი პირღებინება), მომატებული მადა, გაძლიერებული სალივაცია, მელენა,
რექტალური სისხლდენები, სტომატიტი, ტენეზმი, წყლულოვანი კოლიტი.
ენდოკრინული სისტემის მხრივ:
იშვიათად: შაქრიანი დიაბეტი, ჩიყვი, ჰიპერგლიკემია/ჰიპოგლიკემია, პერიფერიული
შეშუპება.
სისხლმბადი და ლიმფური სისტემის მხრივ:
იშვიათად: ანემია, ჰემოლიზი.
ნივთიერებათა ცვლის მხრივ:
იშვიათად: პოდაგრა, სხეულის მასის მომატება/დაკლება.
ძვალ-კუნთოვანი სისტემის მხრივ:
იშვიათად: ართრიტი/არტრალგია, ძვალ-კუნთების ტკივილი, მიალგია.
ნერვული სისტემის მხრივ:
იშვიათად: აგზნება, ამნეზია, მოუსვენრობა, აპათია, გონების არევა, დეპრესია,
თავბრუსხვევა/გულყრა, ჰალუცინაციები, ჰიპერკინეზი, ჰიპერტროფია, დიპლოპია,
უძილობა, ტრემორი, ჰემიპლეგია, აგრესიულობა, ლიბიდოს დაქვეითება, ნერვოზულობა,
პარესთეზია, აზროვნების დარღვევა.
სასუნთქი სისტემის მხრივ:
იშვიათად: ბრონქული ასთმა, ბრონქიტი, ძლიერი ხველება, დისპნოე (ქოშინი), სისხლდენა
ცხვირიდან, ჰემოპტიზისი (სისხლიანი ნახველი), სლოკინი, ფარინგიტი, პნევმონია,
სასუნთქი გზების ზედა ორგანოების ანთება/ინფექცია.
კანისა და რბილი ქსოვილების მხრივ:
იშვიათად: აკნე, ალოპეცია, ქავილი, კონტაქტური დერმატიტი, კანის სიმშრალე, მაკულო-
პაპულოზური გამონაყარი, ოფლდენა, ერითემა, ჭინჭრის ციება.
გრძნობის ორგანოების მხრივ:
მხედველობის ორგანოები:
იშვიათად: არამკვეთრი მხედველობა, თვალების ტკივილი, მხედველობის ველების
დეფექტები, ფოტოფობია.
სმენის ორგანოები:
იშვიათად: ხმაური ყურებში, საშუალო ოტიტი, სიყრუე.
გემოს ორგანოები:
იშვიათად: გემოს შეცვლა.
შარდსასქესო სისტემის მხრივ:
იშვიათად: მენსტრუალური ციკლის დარღვევა, ალბუმინურია, სარძევე ჯირკვლების
მომატება და ტკივილი, გინეკომასტია, დიზურია, გლიკოზურია, ჰემატურია, იმპოტენცია,
თირკმელებში კენჭების წარმოქმნა და ტკივილი თირკმელების არეში, ვაგინიტი, სათესლე
8
ჯირკვლების ფუნქციის დარღვევა, შარდის გამოყოფის დარღვევა, ლეიკორეა, მენორაგია,
სასქესო ასოს დაავადებები.
ლაბორატორიული მაჩვენებლების ცვლილებები:
იშვიათად: ღვიძლის ფუნქციური მაჩვენებლების შეცვლა, ასტ, ალტ დონის მომატება,
ტუტე ფოსფატაზის, კრეატინინის, გლობულინის და გამა-გლუტამილ-ტრანსპეპტიდაზის
(გგტპ) დონის მომატება, ლეიკოციტებისა და ერითროციტების რაოდენობის შეცვლა,
ბილირუბინემია, კალიუმისა და შარდოვანას პლაზმური კონცენტრაციის შეცვლა,
ეოზინოფილია, ჰემოგლობინის დაქვეითება, ჰიპერლიპიდემია, ელექტროლიტებისა და
ქოლესტერინის დონის გაზრდა/შემცირება, გლუკოკორტიკოიდებისა და
ლაქტატდეჰიდროგენაზის (ლდგ) დონის მომატება, თრომბოციტების
გაზრდა/შემცირება/შეცვლა, გასტრინის დონის მომატება. ასევე შეიძლება აღინიშნოს
ალბუმინურია, გლიკოზურია, ჰემატურია.
პოსტმარკეტინგული ცნობები:
პრეპარატი პროგასტის™ დამატებითი გვერდითი მოვლენები, რომლებიც გამოვლინდა
პოსტმარკეტინგულ პერიოდში:
ზოგადი:
სიხშირე დადგენილი არ არის: ანაფილაქსიური/ანაფილაქტოიდური რეაქციები.
კუჭ-ნაწლავის ტრაქტის მხრივ:
სიხშირე დადგენილი არ არის: ჰეპატოტოქსიკურობა, პანკრეატიტი, ღებინება.
სისხლმბადი და ლიმფური სისტემის მხრივ:
სიხშირე დადგენილი არ არის: აგრანულოციტოზი, აპლასტიური ანემია, ჰემოლიზური
ანემია, ლეიკოპენია, ნეიტროპენია, პანციტოპენია, თრომბოციტოპენია და თრომბოზური
თრომბოციტოპენიური პურპურა.
ძვალ-კუნთოვანი სისტემის მხრივ:
სიხშირე დადგენილი არ არის: მიოზიტი.
კანისა და რბილი ქსოვილების მხრივ:
სიხშირე დადგენილი არ არის: სხვადასხვა რეაქციები, მათ შორის მულტიფორმული
ერითემა და სტივენს-ჯონსონის სინდრომი, ეპიდერმის ტოქსიკური ნეკროლიზი (ზოგჯერ
- ლეტალური შედეგით).
ნერვული სისტემის მხრივ:
სიხშირე დადგენილი არ არის: მეტყველების დარღვევა.
შარდსასქესო სისტემის მხრივ:
სიხშირე დადგენილი არ არის: ინტერსტიციული ნეფრიტი, შარდის შეკავება.
მოულოდნელი ეფექტების გამოვლენის შემთხვევაში მიმართეთ ექიმს.
ზემოქმედება სატრანსპორტო საშუალებებისა და პოტენციურად საშიში მექანიზმების
მართვის უნარზე
სატრანსპორტო საშუალებებისა და სხვა მექანიზმების მართვის უნარზე ლანსოპრაზოლის
უარყოფითი მოქმედების შესახებ ინფორმაცია არ არის.
დოზის გადაჭარბება
9
ლანსოპრაზოლის სპეციფიური ანტიდოტი უცნობია. ლანსოპრაზოლი არ გამოიყოფა
ორგანიზმიდან დიალიზის მეშვეობით. დოზის გადაჭარბების შემთხვევაში უნდა
დაინიშნოს სიმპტომური და შემანარჩუნებელი თერაპია.
გამოშვების ფორმა
პროგასტი™, 30 მგ მიკროპელეტური კაფსულები პლასტიკურ ფლაკონებში. 1 ფლაკონი (28
მიკროპელეტური კაფსულა) გამოყენების ინსტრუქციასთან ერთად მოთავსებულია მუყაოს
კოლოფში.
პროგასტი™, 30 მგ მიკროპელეტური კაფსულები პლასტიკურ ფლაკონებში. 1 ფლაკონი (14
მიკროპელეტური კაფსულა) გამოყენების ინსტრუქციასთან ერთად მოთავსებულია მუყაოს
კოლოფში.
შენახვის პირობები
პრეპარატი ინახება არა უმეტეს 30°ჩ ტემპერატურის პირობებში, ორიგინალ შეფუთვაში
მჭიდროდ დახურული თავსახურით, ბავშვებისათვის მიუწვდომელ ადგილზე.
ფლაკონის გახსნის შემდეგ გამოყენების მაქსიმალური ვადა შეადგენს 1 თვეს.
ფლაკონის ყოველი გახსნის შემდეგ საჭიროა თავსახურის მჭიდროდ დახურვა.
ვარგისიანობის ვადა
3 წელი.
პრეპარატი არ გამოიყენება ვარგისიანობის ვადის გასვლის შემდეგ.
აფთიაქიდან გაცემის პირობები
ფარმაცევტული პროდუქტის ჯგუფი II – გამოიყენება ექიმის დანიშნულებით.
რეგისტრაციის მფლობელი
დევა ჰოლდინგ ა.შ.
ჰალქალი მერქეზ მაჰ. ბასინ ექსპრეს ჯად. №1.
34303 ქიუჩუქჩექმეჯე/სტამბული/თურქეთი.
მწარმოებელი
დევა ჰოლდინგ ა.შ.
ორგანიზე სანაი ბელგესი, ათათურქ მაჰ. ათათურქ ჯად. №32.
კარააღაჩ/ჩერქეზქოი/თექირდაღ/თურქეთი

Write Your Own Review
მხოლოდ ავტორიზებულ მომხმარებელს შეუძლია შეაფასოს პროდუქტი. გთხოვთ გაიაროთ ავტორიზაცია ან დარეგისტრირდეთ