Drolocit - დროლოციტი 2მლ 5 ამპულა

განსაკუთრებული ფასი 26,93 ლ რეგულარული ფასი 35,00 ლ
ხელმისაწვდომობა: მარაგშია
კოდი:
54330_2249
მწარმოებელი:
Remedy Group
არცერთი:
ჩვენებები ინსულტის მწვავე ფაზა და მისი ნევროლოგიური გამოვლინებები რეაბილიტაციის პერიოდი იშემიური და ჰემორაგიული ინსულტის შემდეგ ქალა - ტვინის ტრამვა და მისი ნევროლოგიური გამოვლინებები კოგნიტიური და ქცევის დარღვევები სისხლძარღვთა ქრონიკული და დეგენერაციული ცერებრალური მოშლილობისას.

დროლოციტი

DROLOCIT

სავაჭრო დასახელება : დროლოციტი

მოქმედი ნივთიერება : ციტიკოლინი

გამოშვების ფორმა : საინექციო ხსნარი ამპულებში 2 მლ № 5

შემადგენლობა :

ხსნარის 1 ამპულა შეიცავს :

აქტიური ნივთიერება : ციტიკოლინი (ნატრიუმის მარილის სახით) 500 მგ.

დამხმარე ნივთიერებები : საინექციო წყალი

ფარმაკოთერაპიული ჯგუფი : ნოოტროპული საშუალებები და ფსიქოსტიმულატორები

ATX კოდი : N06BX06

ფარმაკოლოგიური მოქმედება

ფარმაკოდინამიკა

ციტიკოლინი წარმოადგენს რა უჯრედის მემბრანის ულტრასტრუქტურული კომპონენტების (ძირითადად ფოფსფოლიპიდების) წინამორბედს ასტიმულირებს ნეირონების მემბრანის ფოსფოლიპიდების ბიოსინთეზს, რაც დადასტურებულია მაგნიტურრეზონანსული სპექტროსკოპიის მონაცემებით. ციტიკოლინი აუმჯობესებს ისეთი მემბრანული მექანიზმების ფუნქციორებას, როგორიცაა იონური ტუმბო და რეცეპტორები, რომელთა რეგულაციის გარეშე შეუძლებელია ნერვული იმპულსების ნორმალური გატარება. ნეირონების მემბრანაზე მასტაბილიზებელი მოქმედების შედეგად ციტიკოლინი ავლენს შეშუპების საწინააღმდეგო მოქმედებას, რაც ხელს უწყობს ტვინის შეშუპების რეაბსორბციას. ექსპერიმენტულმა გამოკვლევებმა აჩვენეს, რომ ციტიკოლინი აინჰიბირებს ზოგიერთი ფოსფოლიპაზის (A1, A2, C და D) აქტივაციას, ამცირებს რა თავისუფალი რადიკალების წარმოქმნას, ხელს უშლის მემბრანული სისტემის რღვევას და იცავს ანტიოქსიდანტურ სისტემებს. ციტიკოლინი ინარჩუნებს ენერგიის ნეირონულ მარაგს, აინჰიბირებს აპოპტოზს და ასტიმულირებს აცეტილქოლინის სინთეზს. ექსპერიმენტულად დადასტურებულია, რომ ციტიკოლინი ავლენს პროფილაქტიკურ ნეიროპროტექტორულ მოქმედებას თავის ტვინის ფოკალური იშემიისას.

კლინიკურმა კვლევებმა აჩვენეს, რომ ციტიკოლინი ზრდის ფუნქციური გამოჯანმრთელების მაჩვენებლებს პაციენტებში ტვინის სისხლმომარაგების მწვავე დარღვევით, რაც თან სდევს იშემიურად დაზიანებული ტვინის ნაწილის ზრდის შეჩერებას ნეიროვიზუალიზაციის მონაცემებით. თავის ტვინის ტრამვის დროს ციტიკოლინი აჩქარებს გამოჯანმრთელების პროცესს და ამცირებს პოსტტრამვული სინდრომის ინტენსივობასა და ხანგრძლივობას.

ციტიკოლინი აუმჯობესებს აზროვნებისა და ყურადღების დონეს, ხელს უწყობს ამნეზიის გამოვლინებების, კოგნიტიური და ნევროლოგიური აშლილობების შემცირებას, რაც უკავშირდება თავის ტვინის იშემიას.

ფარმაკოკინეტიკა :

ციტიკოლინი კარგად აბსორბირდება პერორალური, ინტრავენური და კუნთში შეყვანისას. ამ დროს სისხლის პლაზმაში ქოლინის დონე მნიშვნელოვნად მატულობს. პერორალური მიღებისას აბსორბცია თითქმის სრულად ხდება და ბიოშეღწევადობა პრაქტიკულად ისეთივე როგორც ვენაში შეყვანის შემთხვევაში. შეყვანის გზებისგან დამოკიდებულებით ციტიკოლინი მეტაბოლიზდება ნაწლავებში, ღვიძლში ქოლინისა და ციტიდინის წარმოქმნით.

ორგანიზმში მოხვედრის შემდეგ პრეპარატი კარგად ნაწილდება თავის ტვინის სტრუქტურებში ქოლინის ფრაქციის სწრაფი ჩართვით  სტრუქტურულ ფოსფოლიპიდებში და ციტიდინის ფრაქციისა ციტიდინურ ნუკლეოტიდებსა და ნუკლეინის მჟავებში. მოხვდება რა თავის ტვინში ციტიკოლინი ჩაერთვება უჯრედულ, ციტოპლაზმურ და ციტოქონდრიის მემბრანებში, მონაწილეობს რა ფოსფოლიპიდების ფრაქციის წარმოქმნაში.

დოზის უმნიშვნელო რაოდენობა ხვდება ფეკალიებსა და შარდში (3%), დაახლოებით 12% გაოიყოფა CO2 ით ამოსუნთქვისას. პრეპარატის შარდის გამოყოფა ხდება 2 ფაზად : პირველი ფაზა გრძელდება თითქმის 36 სთ, რომელშიც გამოყოფის სიჩქარე სწრაფად მცირდება და მეორე ფაზა, რომელშიც გამოყოფის სიჩქარე მცირდება გაცილებით ნელა. ასეთივე ფაზები აღინიშნება CO2 ით გამოყოფისას, გამოყოფის სიჩქარე სწრაფად მცირდება დაახლოებიტ 15 სთ-ის შემდეგ, შემდეგ კი იკლებს გაცილებით ნელა.

ჩვენებები

  • ინსულტის მწვავე ფაზა და მისი ნევროლოგიური გამოვლინებები
  • რეაბილიტაციის პერიოდი იშემიური და ჰემორაგიული ინსულტის შემდეგ
  • ქალა - ტვინის ტრამვა და მისი ნევროლოგიური გამოვლინებები
  • კოგნიტიური და ქცევის დარღვევები სისხლძარღვთა ქრონიკული და დეგენერაციული ცერებრალური მოშლილობისას.

უკუჩვენებები

პრეპარატის ნებისმიერი კომპონენტისადმი მომატებული მგრძნობელობა

პარასიმპატიკური ნერვული სისტემის მომატებული ტონუსი.

ბავშვთა და მოზარდთა ასაკი 18 წლამდე (მონაცემების არარსებობის გამო)

მეკლოფენაკსატის შემცველი პრეპარატების მიღება.

 

მიღების წესი და დოზირება

პრეპარატი გამოიყენება ვენაში ან კუნთში შესაყვანად. ვენაში ინიშნება ნელი, ხანგრძლივი ინექციის სახით (3 – 5 წთ განმავლობაში დოზის შესაბამისად) ან წვეთოვნად (40 – 60 წვეთი წუთში). მოზრდილთათვის რეკომენდებული დოზაა 500 – 2000 მგ დღე ღამეში, პაციენტის მდგომარეობის შესაბამისად.  მაქსიმალური სადღეღამისო დოზა 2000 მგ.

მწვავე და გადაუდებელი მდგომარეობებისას მაქსიმალური თერაპიული ეფექტი მიიღწევა პრეპარატის პირველი 24 საათის განმავლობაში გამოყენებისას. მკურნალობის ხანგრძლივობა დამოკიდებულია პაციენტის მდგომარეობაზე და გრძელდება 5- 7 დღე. შემდეგ გადადიან კუნთში შეყვანაზე ან პერორალურ ფორმაზე. ვენაში შეყვანის გზას უპირატესობა აქვს ინტრამუსკულარულთან შედარებით.

კუნთში შეყვანისას უნდა მოერიდოთ  ერთი და იმავე ადგილას განმეორებით ინექციას. ცნობიერების ხანგრძლივი დარღვევისას პრეპარატი გამოიყენება დაავადების პირველი სტადიიდან 1-2 ინექცია დღეში. მკურნალობის რეკომენდებული ხანგრძლივობაა 12 კვირა.

ხანდაზმული პაციენტებისთვის დოზის კორექცია საჭირო არ არის.

პრეპარატი შეტავსებადია ყველა ინტრავენურ  იზოტონურ ხსნართან, ასევე გლუკოზის ჰიპერტონულ ხსნარებთან. მოცემული საშუალება განკუთვნილია ერთჯერადი გამოყენებისათვის. ხსნარი შეყვანილ უნდა იქნეს ამპულის გახსნისთანავე. გამოუყენებელი პრეპარატი უნდა განადგურდეს.

მკურნალობის ხაგრძლივი საჭიროებისას გადადიან პერორალურ ხსნარზე.

გვერდითი მოვლენები:

ძალიან იშვიათად (<1/10000) (მათ შორის პაციენტების გადმოცემით)

ცენტრალური და პერიფერიული ნერვული სისტემის მხრივ : ძლიერი თავის ტკივილი, ვერტიგო, ჰალუცინაციები;

გულ-სისხლძარღვთა სისტემის მხრივ : არტერიული ჰიპერტენზია, არტერიული ჰიპოტენზია;

სასუნთქი სისტემის მხრივ : ქოშინი;

საჭმლის მომნელებელი სისტემის მხრივ : გულისრევა, ღებინება, დიარეა, მადის დაქვეითება, ღვიძლის ტრანსამინაზების აქტივობის ცვლილება;

კანის მხრივ : ჰიპერემია, ალერგიული გამონაყარი, ეგზანთემა, პურპურა, ჭინჭრის ციება;

ზოგადი რეაქციები :ციება, შეშუპება

 

სამკურნალწამლო ზემოქმედება:

არ გამოიყენება მეკლოფენოქსატის შემცველ პრეპარატებთან ერთად. აძლიერებს ლევოდოპას ეფექტს.

განსაკუთრებული მითითებები :

პერსისტული ქალასშიდა სისხლდენის შემთხვევაში პრეპარატი უნდა შევიყვანოთ ძალიან ნელი ნაკადის სახით (30 წვეთი წუთში) და არა უმეტეს 1000მგ დღეში.

გავლენა ავტომობილის და სხვა მექანიზმების მართვის უნარზე :

ციტიკოლინი არ მოქმედებს სატრანსპორტო საშუალებების ან სხვა მექანიზმების მართვის უნარზე .

პრეპარატი ინახება ბავშვისათვის ხელმიუწვდომელ ადგილას და არ გამოიყენება ვადის ამოწურვის შემდეგ.

გამოყენება ორსულობის და ლაქტაციის დროს

მონაცემები ციტიკოლინის  გამოყენების შესახებ ორსულობის დროს არ არსებობს. ორსულობისა და ძუძუთი კვების დროს პრეპარატის გამოყენება შეიძლება მხოლოდ მაშინ როცა მოსალოდნელი სარგებელი დედისათვის აღემატება შესაძლო რისკს ნაყოფის ან ბავშვისათვის. მონაცემები ციტიკოლინის დედის რძეში მოხვედრის შესახებ არ არსებობს.

ჭარბი დოზირება

უცნობია. პრეპარატის დაბალი ტოქსიურობის გათვალისწინებით მოწამვლის საშიშროება უმნიშვნელოა თუნდაც თერაპიული დოზების გადაჭარბების შემთხვევაში.

ვარგისიანობის ვადა

3 წელი

შენახვის პირობები

არა უმეტეს25°С.

აფთიაქიდან გაცემის პირობები

რეცეპტით

მწარმოებელი

REMEDY GROUP

Citco Chemicals LTD, ინგლისი შეკვეთით

 

 

Write Your Own Review
მხოლოდ ავტორიზებულ მომხმარებელს შეუძლია შეაფასოს პროდუქტი. გთხოვთ გაიაროთ ავტორიზაცია ან დარეგისტრირდეთ