აირჩიეთ ქალაქი აირჩიეთ ქალაქი

Phytolax - ფიტოლაქსი 20 ტაბლეტი

#85619_640
 0 (0 შეფასება)
მახასიათებლები
სტატუსი
აირჩიეთ ქალაქი
მოიძიე აფთიაქშიაფთიაქები
ბრენდის ქვეყანა საქართველო
რაოდენობა და ფორმა20 ტაბლეტი
მოქმედი ნივთიერებაcassia acutifolia+frangula+glycyrrhiza
მოკლე აღწერა

ჩვენება: სპასტიური კოლიტი, ატონიური შეკრულობა.

26.00₾
1
შეკვრა
აირჩიეთ ქალაქი
მიწოდების მეთოდის გენერირებისთვის
ამ პროდუქტთან ერთად შეიძინეთ
მსგავსი პროდუქტები
  • აღწერა
  • შეფასებები

ფარმაკოთერაპიული ჯგუფი:
საფაღარათო საშუალება.
შემადგენლობა:
ფიტოლაქსის მშრალი ექსტრაქტი _ 0,25გ; 
დამხმარე  ნივთიერებები ბირთვის ფორმირებისთვის:
მაგნიუმის ფუძე კარბონატი, კალციუმის სტეარატი, სახამებელი.
შემომგარსავი ნივთიერებები:
საქაროზა; პოლივინილპიროლიდონი; მაგნიუმის კარბონატი; აეროსილი; ტიტანის ორჟანგი; მწვანე საღებავი.  
ფიტოლაქსის მშრალი ექსტრაქტი მზადდება სენას ფოთლების, ხეჭრელის ქერქის და ძირტკბილას ფესვების საფუძველზე. მის შემადგენლობაში შედის ანტრაგლიკოზიდები: ემოდინი, ქრიზოფანის მჟავა, გლუკოფრანგულინი, ფრანგულინი და სხვა, ასევე საპონინი გლიცირიზინი. 
ფარმაკოლოგიური მოქმედება:
ნაწლავის ფერმენტებისა და ბაქტერიების ზემოქმედებით ხორციელდება ანტრაგლიკოზიდების და საპონინების ჰიდროლიზი. წარმოქმნილი პროდუქტები აძლიერებენ მსხვილი ნაწლავის პერისტალტიკას, არ აღიზიანებენ კუჭ-ნაწლავის ტრაქტის ლორწოვან გარსს. ჰიდროლიზის პროცესის ნელა მიმდინარეობის გამო, საფაღარათო ეფექტი ვითარდება მხოლოდ მსხვილ ნაწლავში, პრეპარატის მიღებიდან 8-10 სთ-ის შემდეგ; პრეპარატში ძირტკბილას საპონინების შემცველობა მას დამატებით ანიჭებს ანთების საწინააღმდეგო, კუჭის-ნაწლავის ლორწოვან გარსის დამცველ, სპაზმოლიზურ მოქმედებას.
ჩვენება:
• სპასტიური კოლიტი;
• ატონიური შეკრულობა;
• ბუასილი (ნაწლავების მოქმედების რეგულირებისთვის);
• ნაპრალები სწორ ნაწლავზე;
პრეპარატის მიღება რეკომენდებულია ქრონიკული შეკრულობისას, რომელიც უფრო ხშირად უვითარდება მჯდომარე ცხოვრების წესის მქონე ადამიანებს;
მიღების წესი და დოზირება:
1 ან 2 ტაბლეტი საღამოს ძილის წინ.
პრეპარატის ხანგრძლივად მიღება იწვევს მიჩვევას, ამიტომ საჭირო ხდება დოზის გაზრდა, ან პერიოდულად საფაღარათო პრეპარატის შენაცვლება;
გვერდითი მოვლენები:
პრეპარატის დიდი დოზებით ხანგრძლივად გამოყენებისას შეიძლება განვითარდეს:
• მცირე მენჯის ორგანოების გაძლიერებული ჰიპერემია;
• ჰიპოკალიემია, დემინერალიზაცია (ამიტომ სასურველი იქნება პარალელურად რომელიმე კალიუმის შემცველი პრეპარატის ან კალიუმით მდიდარი საკვების მიღება ბალანსის აღდგენისათვის);
• ფეხმძიმე ქალებში შესაძლოა გამოიწვიოს მუცლის მოშლა;
განსაკუთრებული მითითებები:
პრეპარატის მიღება უნდა დაიწყოთ დღეში 1 ტაბლეტით, დოზის გაზრდა დღეში 2 ტაბლეტამდე სასურველია მხოლოდ არასაკმარისი ეფექტის მიღების შემთხვევაში.
თუ პრეპარატის მიღებისას გამოვლინდა გვერდითი ეფექტები, სასურველია ექიმთან კონსულტირება სიმპტომური მკურნალობის ჩატარებისთვის!
უკუჩვენება:
• მომატებული მგრძნობელობა პრეპარატში შემავალი კომპონენტების მიმართ;
• ნაწლავების გაუვალობა;
• ფეხმძიმობა;
• მენსტრუაცია;
გამოშვების ფორმა: 10 ტაბლეტი ბლისტერზე. 1 ან 2 ბლისტერი კოლოფში.
შენახვის წესი: ინახება 15-25˚C ტემპერატურის პირობებში, მშრალ, სინათლისაგან დაცულ და ბავშვებისთვის მიუწვდომელ ადგილზე.
აკრძალულია პრეპარატის გამოყენება პრეპარატის ვარგისობის ვადის ამოწურვის ან ვიზუალური დათვალიერებისას დეფექტების აღმოჩენის შემთხვევაში.
ვარგისიანობის ვადა: 3 წელი.
გაიცემა: III ჯგუფი (გაცემის რეჟიმი: რეცეპტის გარეშე)