გლუკოფაჟი - მედიკამენტი II ტიპის შაქრიანი დიაბეტის სამკურნალოდ
13 დეკ 2024

გლუკოფაჟი (Glucophage) არის პერორალური პრეპარატი, რომელიც გამოიყენება II ტიპის შაქრიანი დიაბეტის სამკურნალოდ, განსაკუთრებით ჭარბი წონის მქონე პაციენტებში, როდესაც დიეტა და ფიზიკური ვარჯიში საკმარისი არ არის გლიკემიის (სისხლში შაქრის, გლუკოზის არსებობა) კონტროლისთვის.
არსებობს მედიკამენტის გახანგრძლივებული მოქმედების ფორმაც — გლუკოფაჟი XR, რომელიც ორგანიზმში პრეპარატის თანდათანობით გამოთავისუფლებას უზრუნველყოფს. გლუკოფაჟი XR ტაბლეტების სახით იყიდება და აქტიური ნივთიერების — მეთფორმინის ჰიდროქლორიდის დოზის მიხედვით ხელმისაწვდომია მედიკამენტის 500 მგ-იანი, 850 მგ-იანი და 1000მგ-იანი ვერსიები.
მოდით, პირველ რიგში, ყურადღება გავამახვილოთ თირკმლის ნორმალური ფუნქციის მქონე ზრდასრულ პაციენტებზე, რომლებსაც გლუკოფაჟის საშუალებით შაქრიანი დიაბეტის განვითარების რისკის შემცირება სურთ. ასეთ შემთხვევაში გლუკოფაჟი XR მხოლოდ მაშინ უნდა დაინიშნოს, როდესაც პაციენტის მიერ ცხოვრების წესში დანერგილი 3-6-თვიანი ცვლილება გლიკემიის ადეკვატური კონტროლის საშუალებას არ იძლევა. რეკომენდებული დოზირება ასეთია:
მონოთერაპიის და სხვა ორალურ ჰიპოგლიკემიურ საშუალებებთან ერთად კომბინირებული თერაპიის დროს, რეკომენდებული დოზირება შემდეგია:
აღსანიშნავია, რომ სისხლში გლუკოზის დონის უფრო ეფექტიანად გაკონტროლებისთვის გლუკოფაჟ XR-ისა და ინსულინის ერთდროულად დანიშვნაც შესაძლებელია. როგორც წესი, გლუკოფაჟის საწყისი დოზა ამ შემთხვევაშიც დღეში 500მგ-ს შეადგენს, ხოლო ინსულინის შემთხვევაში სწორი დოზა სისხლში გლუკოზის დონის ცვლილების მიხედვით შეირჩევა.
გლუკოფაჟ XR-ის ანოტაცია გვეუბნება, რომ ეს პრეპარატი არ უნდა გამოიყენონ პაციენტებმა, რომლებსაც აღენიშნებათ შემდეგი სამედიცინო მდგომარეობა:
ორსულებში გლუკოფაჟ XR-ის გამოყენებასთან დაკავშირებით მცირე მოცულობის მონაცემები არსებობს და ისინი ნაყოფში თანდაყოლილი დარღვევების განვითარების რისკზე არ მოწმობს. თუმცა ამ მედიკამენტის მოხმარება ორსულობის ან მისი დაგეგმვის დროს მაინც არ არის რეკომენდებული. ამ პერიოდში შაქრიანი დიაბეტის მართვა, როგორც წესი, ინსულინის საშუალებით ხორციელდება. ამასთან, მნიშვნელოვანია ექიმთან კონსულტაცია, რათა განისაზღვროს მკურნალობის შესაბამისი სქემა.
გლუკოფაჟ XR-ის მიღება ლაქტაციის პერიოდშიც არ არის რეკომენდებული, რადგან მედიკამენტის აქტიური ნივთიერება — მეთფორმინი დედის რძეში გადადის. მიუხედავად იმისა, რომ კლინიკური მონაცემები ახალშობილებზე რაიმე უარყოფით გავლენაზე არ მიუთითებს, ლაქტაციის დროს პრეპარატის მიღება არ არის მიზანშეწონილი. თუ მკურნალობა მეთფორმინით აუცილებელია, განხილული უნდა იქნას ძუძუთი კვების შეწყვეტა. ამ საკითხთან დაკავშირებით პაციენტმა კონსულტაცია უნდა გაიაროს ექიმთან, რათა მკურნალობის სარგებელი და რისკები სწორად შეფასდეს.
გარდა ამისა, გაითვალისწინეთ, რომ, გლუკოფაჟი XR ბავშვებშიც არ გამოიყენება, რადგან მათ უსაფრთხოებასთან დაკავშირებული შესაბამისი ინფორმაცია არ არსებობს.
გაითვალისწინეთ: ნებისმიერ შემთხვევაში, მედიკამენტი უნდა მიიღოთ ექიმთან კონსულტაციის საფუძველზე და არა — თვითნებურად. ამასთან, გლუკოფაჟი XR-ის გამოყენებამდე, ექიმს გააცანით თქვენ მიერ გამოყენებული პრეპარატების სია, ასევე მოუყევით იმ სამედიცინო მდგომარეობების შესახებ, რომლებიც გაქვთ ან წარსულში გქონიათ.
მიუხედავად ეფექტიანობისა, გლუკოფაჟ XR-ის მიღებას შეიძლება თან ახლდეს გარკვეული გვერდითი მოვლენები, რომელთა შესახებაც ინფორმაციის ქონა პაციენტებისთვის მნიშვნელოვანია. ქვემოთ განვიხილავთ ამ მედიკამენტთან დაკავშირებულ გვერდით ეფექტებს მათი გამოვლენის სიხშირის მიხედვით.
ძალიან ხშირი:
ზემოთ ჩამოთვლილი რეაქციები ყველაზე ხშირად მკურნალობის საწყის ეტაპზე ვითარდება და, როგორც წესი, თავისთავად ქრება. აღსანიშნავია, რომ დოზის თანდათანობითი გაზრდა ხელს უწყობს ამ სიმპტომების შემცირებას, ვინაიდან ორგანიზმი მედიკამენტს ეტაპობრივად ეგუება.
ხშირი:
ძალიან იშვიათი:
გლუკოფაჟ XR-ის გამოყენებამ შეიძლება სხვა გვერდითი ეფექტებიც გამოიწვიოს. ნებისმიერ შემთხვევაში, საჭიროა ექიმთან კონსულტაციის გავლა და მისი მითითებების მიხედვით მოქმედება.
13 დეკ 2024