აირჩიეთ ქალაქი აირჩიეთ ქალაქი

ენტენორმი პლუსი — პრობიოტიკების კომბინაცია კუჭ-ნაწლავის ჯანმრთელობისთვის და იმუნიტეტის გასაძლიერებლად

უკან

ენტენორმი პლუსი — პრობიოტიკების კომბინაცია კუჭ-ნაწლავის ჯანმრთელობისთვის და იმუნიტეტის გასაძლიერებლად

5 აგვ 2025

ჯანმრთელი ნაწლავები ძლიერი იმუნიტეტისთვის.

 

ენტენორმი პლუსი (Entenorm) არის პრობიოტიკური წამალი, რომელიც ხელს უწყობს საჭმლის მომნელებელი სისტემის ფუნქციონირების გაუმჯობესებას და ნაწლავის ლორწოვანი გარსის ბუნებრივად აღდგენას. ის ასტიმულირებს კუჭ-ნაწლავის ბალანსის შენარჩუნებას, ამცირებს ფაღარათისა და ყაბზობის რისკს, იცავს ორგანიზმს ალერგიული რეაქციების განვითარებისგან. პრეპარატის მოქმედება მნიშვნელოვანწილად უწყობს ხელს იმუნური სისტემის გაძლიერებასა და სტაბილურობის შენარჩუნებას.

ენტენორმის შედგენილობაში არსებული ლაქტობაცილები და ბიფიდობაქტერიები ქმნის დამცავ ფენას ნაწლავის ლორწოვან ზედაპირზე, რაც პათოგენური მიკროორგანიზმების მიმაგრებას და ტოქსინების ზემოქმედებას აფერხებს. ეს ბიოლოგიური ბარიერი წარმოადგენს ბუნებრივ თავდაცვით მექანიზმს მავნე მიკრობების წინააღმდეგ.

ბიფიდობაქტერიები ასევე მონაწილეობენ ვიტამინ K-ის, B ჯგუფის ვიტამინების, ფოლიუმისა და პანტოთენის მჟავას წარმოქმნაში. ისინი ხელს უწყობენ რკინისა და კალციუმის ეფექტიან შეწოვას, აწესრიგებენ ნაწლავის პერისტალტიკას და ამცირებენ მავნე ბაქტერიების გავრცელებას. ლაქტობაცილები კი გამოიმუშავებენ ისეთ ბიოაქტიურ ნივთიერებებს, რომლებიც მოქმედებით ბუნებრივ ანტიბიოტიკებს წააგავს — მათ შორის ინტერფერონსა და ინტერლეიკინ-1-ს. გარდა ამისა, ისინი მონაწილეობენ საკვები ნივთიერებების — ცილების, ცხიმებისა და ნახშირწყლების — დაშლისა და ათვისების პროცესში.

ენტენორმი პლუსი მხოლოდ კაფსულების სახით არის ხელმისაწვდომი პსპ-ს აფთიაქებში და 30-ერთეულიანი შეფუთვის ფასი 46 ლარს შეადგენს. აფთიაქში ვერ შეხვდებით ენტენორმის სხვა ვერსიას, მაგალითად, პაკეტში მოთავსებულ ფხვნილს — ამ ვარიანტით მომხმარებლები ხშირად ინტერესდებიან.

 

ენტენორმი პლუსი ნაწლავის ჯანმრთელობისთვის

როგორია ენტენორმის მიღების წესები და დოზირება?

ენტენორმის ანოტაციის თანახმად, კაფსულები მიიღება ჭამის დროს, რაც უზრუნველყოფს მათი ბიოშეღწევადობის გაუმჯობესებას და ნაწლავებში სასურველი ეფექტის მიღწევას.

მიღების სქემა განისაზღვრება ასაკის მიხედვით:

  • 1 წლამდე ბავშვებისთვის: დღეში ერთხელ, ნახევარი კაფსული — მისი შიგთავსი უნდა შეურიოთ მცირე რაოდენობით სითხეს ან საკვებს.
  • 1-3 წლის ასაკში: დღეში ერთხელ 1-2 კაფსული.
  • 3-12 წლის ბავშვებში: დღეში 3-ჯერ, თითო კაფსული.
  • მოზრდილებში და 12 წელზე უფროსი ასაკის მოზარდებში: დღეში 3-ჯერ, 1-2 კაფსული.

მკურნალობის რეკომენდებული კურსი 25-30 დღეს შეადგენს — ეს აუცილებელია ნაწლავური მიკროფლორის სტაბილიზაციისა და მისი დამცავი ფუნქციის სრულად აღსადგენად.

რა უკუჩვენებები ახასიათებს მედიკამენტს?

ენტენორმი ითვლება უსაფრთხო პრეპარატად და ის არ საჭიროებს სპეციალურ სამედიცინო ზედამხედველობას მიღების დროს. თუმცა არსებობს ერთი ძირითადი უკუჩვენება, რომელიც აუცილებლად უნდა იქნას გათვალისწინებული — ეს არის ინდივიდუალური აუტანლობა ან ალერგია პრეპარატის რომელიმე შემადგენელი კომპონენტის მიმართ.

საგულისხმოა, რომ ენტენორმის ანოტაციაში არ არის მოცემული ინფორმაცია მედიკამენტის მოხმარებით გამოწვეული შესაძლო გვერდითი მოვლენების შესახებ.

გაითვალისწინეთ: მიუხედავად იმისა, რომ ენტენორმი არის პრეპარატი, რომელიც ურეცეპტოდ გაიცემა, გარკვეულ შემთხვევებში ის სიფრთხილით უნდა იქნას გამოყენებული. ნებისმიერ შემთხვევაში, მედიკამენტი უნდა მიიღოთ მხოლოდ ექიმთან კონსულტაციის საფუძველზე და არა — თვითნებურად. ამასთან, ენტენორმის მიღებამდე, ექიმს გააცანით თქვენ მიერ გამოყენებული პრეპარატების სია, ასევე მოუყევით მას იმ სამედიცინო მდგომარეობების შესახებ, რომლებიც გაქვთ ან წარსულში გქონიათ. ამ რეკომენდაციის გათვალისწინება გართულებების თავიდან აცილებაში დაგეხმარებათ.

5 აგვ 2025