კაგოცელი — სისტემური მოქმედების ანტივირუსული მედიკამენტი
13 ნოე 2024

გრიპის ან სხვა მწვავე რესპირატორული ვირუსული ინფექციის ან ჰერპესის მკურნალობისთვის ხშირად იყენებენ კაგოცელს. ეს სისტემური მოქმედების ანტივირუსული საშუალება ტაბლეტების ფორმითაა ხელმისაწვდომი და მაღალი ვირუსსაწინააღმდეგო მოქმედებით გამოირჩევა.
სანამ პრეპარატის შესახებ უფრო ვრცლად მოგიყვებით, გაითვალისწინეთ, რომ კაგოცელი მიეკუთვნება ფარმაცევტული პროდუქტების II ჯგუფს, შესაბამისად, გაიცემა ფორმა №3 რეცეპტით.
მედიკამენტი კაგოცელი არის პირდაპირი მოქმედების ანტივირუსული საშუალება, რომელიც ღია ყავისფერი შეფერილობის, მრგვალი და ორმხრვიამობურცული ტაბლეტების სახით გვხვდება. პრეპარატის თითოეული ტაბლეტი შეიცავს აქტიურ ნივთიერება კაგოცელს (12მგ) და დამხმარე ნივთიერებებს - კარტოფილის სახამებელი (10 მგ), კალციუმის სტეარატი (0,65 მგ) და ლუდიპრესი.
კაგოცელი იწვევს ადამიანის ორგანიზმში ე.წ. გვიანი ინტერფერონების წარმოქმნას, რომლებსაც ახასიათებთ მაღალი ვირუსსაწინააღმდეგო მოქმედება. კაგოცელით მკურნალობის დაწყება ყველაზე ეფექტიანია მწვავე ინფექციის დაწყებიდან არაუგვიანეს მე-4 დღისა.
მედიკამენტ კაგოცელს აქვს შემდეგი უკუჩვენებები:
კაგოცელის ტაბლეტები მიიღება პერორალურად (მედიკამენტის მიღება პირის ღრუს საშუალებით), საკვების მიღებისგან დამოუკიდებლად.
გრიპისა და სხვა მწვავე რესპირატორული ვირუსული ინფექციების სამკურნალოდ მოზრდილებში პირველი ორი დღე ნიშნავენ 2-2 ტაბლეტს 3 ჯერ დღეში, მომდევნო ორო დღე კი თითო ტაბლეტს 3-ჯერ დღეში. ჯამურად მიიღება სულ 18 ტაბლეტი მკურნალობის კურსის განმავლობაში, კურსის ხანგრძლივობა არის 4 დღე.
გრიპის და მწვავე რესპირატორული ვირუსული ინფექციების პროფილაქტიკა მოზრდილებში ტარდება 7-დღიანი ციკლებით: ორი დღე - 2-2 ტაბლეტი 1 ჯერ დღეში, 5 დღე შესვენება, შემდეგ კი ციკლი მეორდება. პროფილაქტიკური კურსის ხანგრძლივობა არის ერთი კვირიდან რამდენიმე თვემდე.
რაც შეეხება კაგოცელის დოზებს ჰერპესის მკურნალობისთვის მოზრდილებში, ინიშნება 2-2 ტაბლეტი 3-ჯერ დღეში 5 დღის განმავლობაში. ჯამურად სულ 30 ტაბლეტი მკურნალობის კურსის განმავლობაში, კურსის ხანგრძლივობა არის 5 დღე.
კაგოცელის მიღება შესაძლებელია ბავშვებშიც 3 წლის ასაკიდან.
გრიპის და მწვავე რესპირატორული ვირუსული ინფექციების მკურნალობისათვის 3-დან 6 წლამდე ასაკის ბავშვებში პირველი 2 დღე ნიშნავენ თითო ტაბლეტს 2-ჯერ დღეში, მომდევნო ორი დღე კი თითო ტაბლეტს 1-ჯერ დღეში. ჯამურად სულ 6 ტაბლეტი მკურნალობის კურსის განმავლობაში, კურსის ხანგრძლივობა არის 4 დღე.
გრიპისა და მწვავე რესპირატორული ვირუსული ინფექციების მკურნალობისათვის 6 წლის ასაკიდან ზემოთ ბავშვებში პირველი 2 დღე ინიშნება თითო ტაბლეტი 3-ჯერ დღეში, მომდევნო ორი დღე კი თითო ტაბლეტს 2-ჯერ დღეში. ჯამურად სულ 10 ტაბლეტი მკურნალობის კურსის განმავლობაში, კურსის ხანგრძლივობა არის 4 დღე.
გრიპის და მწვავე რესპირატორული ვირუსული ინფექციების პროფილაქტიკა 3 წლის ასაკის ბავშვებში ტარდება 7-დღიანი ციკლებით: ორი დღე თითო ტაბლეტი 1-ჯერ დღეში, 5 დღე შესვენება, შემდეგ ციკლი მეორდება. პროფილაქტიკური კურსის ხანგრძლივობა არის ერთი კვირიდან რამდენიმე თვემდე.
დოზის გადაჭარბების შემთხვევაში რეკომენდებულია დიდი რაოდენობით სითხის მიღება და პირღებინების გამოწვევა.
გასათვალისწინებელია, რომ თუ მკურნალობის შემდეგ არ ხდება მდგომარეობის გაუმჯობესება ან პირიქით, სიმპტომები მწვავდება, აუცილებელია ექიმთან კონსულტაციის გავლა.
მედიკამენტ კაგოცელის გამოყენებისას შესაძლოა გამოვლინდეს შემდეგი სახის გვერდითი მოვლენები:
კაგოცელის ტაბლეტები ინახება წარმოებიდან 4 წლის განმავლობაში, არაუმეტეს 25˚C ტემპერატურაზე.
13 ნოე 2024