მაგნე B6 — მედიკამენტი მაგნიუმის უკმარისობასთან გასამკლავებლად
14 ნოე 2024

მაგნე B6 უნგრული ან ფრანგული წარმოების მედიკამენტია, რომელიც გამოიყენება მაგნიუმის უკმარისობის სიმპტომების სამკურნალოდ.
მაგნე B6-ს შეუძლია ადამიანის ორგანიზმში მაგნიუმის უკმარისობით გამოწვეული ისეთი დარღვევების პროფილაქტიკა, როგორებიცაა:
მაგნე B6 იწარმოება ორი ფორმით - შემოგარსული ტაბლეტებისა და პერორალური (მედიკამენტის მიღება პირის ღრუს საშუალებით) მიღებისათვის განკუთვნილი ხსნარის ფორმით.
რაც შეეხება მაგნე B6-ის შედგენილობას, მისი შედგენილობა და შემავალი ნივთიერების დოზები განსხვავდება მედიკამენტის წარმოების ფორმის მიხედვით. კერძოდ, შემოგარსული ტაბლეტების შემთხვევაში მაგნე B6-ის 1 ტაბლეტში შედის შემდეგი აქტიური ნივთიერებები - მაგნიუმის ლაქტატის დიჰიდრატი (470 მგ), პირიდოქსინის ჰიდროქლორიდი (INN), ანუ ვიტამინი B6 (5 მგ) და დამხმარე ნივთიერებები - საქაროზა, მძიმე კაოლინი, აკაციის გუმფისი, კარბოქსიპოლიმეთილენ 934, ტალკი, მაგნიუმის სტეარატი, კარნაუბის ცვილი (ფხვნილი), ტიტანის ორჟანგი.
ხოლო მაგნე B6-ის ხსნარის 1 ამპულაში (10 მლ) შედის აქტიური ნივთიერებები - მაგნიუმის ლაქტატის დიჰიდრატი (186 მგ), მაგნიუმის პიდოლიატი (936 მგ), პირიდოქსინის ჰიდროქლორიდი (INN), ანუ ვიტამინი B6 (10 მგ) და დამხმარე ნივთიერებები - ნატრიუმის დისულფიტი (0.015 გ), ნატრიუმის საქარინატი (0.015 გ), კარამელი ალუბლის არომატული დანამატით (0.3 მლ) და გამოხდილი წყალი.
მაგნე B6-ით მკურნალობის დაწყებამდე მნიშვნელოვანია გაითვალისწინოთ, რომ მედიკამენტის მიღება არ შეიძლება:
მაგნე B6-ის მიღებამდე აუცილებელია კონსულტაციისთვის მიმართოთ მკურნალ ექიმს.
მედიკამენტი მაგნე B6 განკუთვნილია მოზრდილებისა და 6 წელზე უფროსი ასაკის ბავშვებისთვის. გაითვალისწინეთ, რომ ორსულობის ან ლაქტაციის პერიოდში მაგნე B6-ის მიღება არ შეიძლება ექიმთან კონსულტაციის გარეშე.
მედიკამენტი მაგნე B6 მიიღება პერორალურად (პირის ღრუს მეშვეობით). თუ მედიკამენტს იღებთ ტაბლეტების სახით, მიაყოლეთ 1 ჭიქა წყალი.
რაც შეეხება მაგნე B6-ის დოზირებას, მედიკამენტის სადღეღამისო დოზა ზრდასრულებში შეადგენს 6-8 ტაბლეტს და უნდა მიიღოთ 2-3-ჯერ, კვების დროს.
6 წელზე მეტი ასაკისა და 20 კგ-ზე მეტი წონის ბავშვების შემთხვევაში კი სადღეღამისო დოზა შეადგენს 10-30 მგ/კგ სხეულის წონას (0.4-დან 1.2 მმოლ/კგ სხეულის წონაზე). დღის განმავლობაში ბავშვებმა უნდა მიიღონ 2-4 ტაბლეტი 2-3-ჯერ, კვების დროს.
ჩვეულებრივ, მაგნე B6-ით მკურნალობის ხანგრძლივობა არის 1 თვე.
დოზის გადაჭარბებისას აუცილებელია, დაუყოვნებლივ დაუკავშირდეთ მკურნალ ექიმს.
გასათვალისწინებელია ისიც, რომ არ უნდა მიიღოთ გაორმაგებული დოზა გამოტოვებული დოზის ასანაზღაურებლად.
მაგნე B6-მა, სხვა მედიკამენტების მსგავსად, შეიძლება გამოიწვიოს გვერდითი მოვლენები. თუმცა აღსანიშნავია, რომ გვერდითი მოვლენები ყველა პაციენტში არ ვლინდება.
მაგნე B6-ის მიღებისას შეიძლება გამოვლინდეს შემდეგი სახის გვერდითი მოვლენები:
მედიკამენტი მაგნე B6 ინახება არაუმეტეს 30 °C ტემპერატურაზე, ბავშვებისთვის მიუწვდომელ ადგილას. მისი გამოყენება არ შეიძლება შეფუთვაზე მითითებული ვარგისიანობის ვადის გასვლის შემდეგ.
მაგნე B6 მიეკუთვნება III ჯგუფის მედიკამენტებს, შესაბამისად, აფთიაქებში იგი ურეცეპტოდ გაიცემა.
14 ნოე 2024