კოკლუსედალი ნურისონი — უსაფრთხო და ეფექტიანი საბავშვო პრეპარატი ხველის წინააღმდეგ
5 აგვ 2025

ბავშვის ხველა ყოველთვის იწვევს მშობლის შფოთვას, განსაკუთრებით მაშინ, როდესაც საქმე ჩვილ ასაკში მყოფ პატარებს ეხება. თუმცა საგულისხმოა, რომ ხველის საწინააღმდეგო ტრადიციული მედიკამენტების დიდი ნაწილი არ არის რეკომენდებული ერთ წლამდე ასაკის ბავშვებისთვის. სწორედ ამ პრობლემის გადაჭრის მიზნით შეიქმნა კოკლუსედალი ნურისონი — ფრანგული წარმოების მცენარეული პრეპარატი, რომელიც გამორჩეულია როგორც შემადგენლობით, ისე გამოყენების ფორმით.
კოკლუსედალი ნურისონი წარმოადგენს ხველის საწინააღმდეგო, რექტალურად მისაღებ სანთელს, რომელიც განკუთვნილია 1 თვიდან 30 თვემდე ასაკის ჩვილებისა და პატარა ბავშვებისთვის. მისი მოქმედება დაფუძნებულია ორ ბუნებრივ კომპონენტზე — გრინდელსა და ჰელზემიუმზე. ეს მცენარეები ცნობილია ანტისპაზმური, ანთების საწინააღმდეგო, ანტიბაქტერიული და დამამშვიდებელი თვისებებით. მათი სინერგიული მოქმედება ხელს უწყობს ხველის სიმპტომების და ზედა სასუნთქ გზებში ლორწოს სეკრეციის შემცირებას.
გრინდელს ახასიათებს ბრონქების კუნთოვანი სპაზმების შემსუბუქება და ლორწოვანზე დამარბილებელი ზემოქმედება, ხოლო ჰელზემიუმი, ნერვული სისტემის სედაციური მოქმედებით, ამშვიდებს ბავშვს, რაც განსაკუთრებით მნიშვნელოვანია ღამის ხველის დროს.
კოკლუსედალის საბავშვო სანთლები გამოიყენება მხოლოდ რექტალურად. ეს მეთოდი ეფექტიანია იმ შემთხვევაში, როცა ჩვილს არ შეუძლია პერორალური პრეპარატის მიღება.
რეკომენდებული დოზა: 1 სუპოზიტორია დღეში ერთხელ ან მაქსიმუმ 2-ჯერ, ექიმის რეკომენდაციის შესაბამისად.
დოზის გამოტოვების შემთხვევაში, არ არის დაშვებული, აღდგენის მიზნით, მისი გაორმაგება — უბრალოდ მიჰყევით ჩვეულ რეჟიმს. პრეპარატის მიღებამდე სასურველია, პედიატრთან კონსულტაცია, განსაკუთრებით თუ ხველა გრძელდება რამდენიმე დღეზე მეტ ხანს ან მას თან ახლავს სხვა სიმპტომები.

მიუხედავად კოკლუსედალის ბუნებრივი შემადგენლობისა, არსებობს მნიშვნელოვანი უკუჩვენება — პრეპარატი არ უნდა იქნას გამოყენებული იმ შემთხვევაში, თუ ბავშვს აღენიშნება ანალური ხვრელის, სწორი ნაწლავის ტრავმა ან მსგავსი ტიპის დაზიანებები.
ასევე მნიშვნელოვანია ექიმთან კონსულტაცია იმ შემთხვევაში, თუ ბავშვს აღენიშნება შემდეგი სამედიცინო მდგომარეობები:
კოკლუსედალის საბავშვო სანთლის ანოტაციაში ვკითხულობთ, რომ მისი გამოყენებისას, გარკვეულ შემთხვევებში, შეიძლება აღინიშნოს ადგილობრივი ტიპის არასასურველი ეფექტები, რაც პირდაპირ უკავშირდება მედიკამენტის მიღების გზას.
5 აგვ 2025