რა არის ცისტიტი და როგორ ხდება მისი მკურნალობა
23 აპრ 2024

სარჩევი:
ცისტიტი საშარდე ბუშტის დაავადებაა, რომელსაც ბაქტერიული ინფექცია იწვევს. დაავადება ემართება როგორც ქალს, ისე კაცს, მაგრამ ქალებში უფრო ხშირად გვხვდება. ქალის შარდსადენი მილი კაცისაზე მოკლეა და ბაქტერიები შარდის ბუშტში უფრო მარტივად ხვდება.
ბლოგში ვრცლად ვისაუბრებთ თუ რა არის ცისტიტი, როგორ ხდება ცისტიტის მკურნალობა და ბევრ სხვა მნიშვნელოვან ინფორმაციას გაგიზიარებთ.
უმეტეს შემთხვევაში, ცისტიტი ვითარდება საშარდე გზების ინფექციის (UTI) გამო. შარდის ბუშტის ინფექცია საკმაოდ მტკივნეულია და ზოგჯერ ჯანმრთელობის სერიოზულ პრობლემას იწვევს.
ცისტიტი ასევე შეიძლება განვითარდეს გარკვეული მედიკამენტების ან რადიაციული თერაპიის შედეგად. ბაქტერიებით გამოწვეული ცისტიტის მკურნალობა ჩვეულებრივ ანტიბიოტიკებით ხდება. სხვა სახის ცისტიტის მკურნალობა დამოკიდებულია გამომწვევ მიზეზზე.
ცისტიტი არის მწვავე ან ინტერსტიციალური. მწვავე ცისტიტი მოულოდნელად ვითარდება. ინტერსტიციალური კი ქრონიკული მდგომარეობაა, რომელიც გავლენას ახდენს შარდის ბუშტის ქსოვილის მრავალ ფენაზე.
როგორც მწვავე, ისე ინტერსტიციალურ ცისტიტს მრავალი შესაძლო მიზეზი აქვს. ცისტიტის მიზეზი განსაზღვრავს ტიპს. ცისტიტის შემდეგი სახეობებია:
ბაქტერიული ცისტიტი ვითარდება მაშინ, როდესაც ბაქტერიები ურეთრაში ან ბუშტში შედიან და ინფექციას იწვევენ. ეს ასევე შეიძლება მოხდეს, როდესაც ორგანიზმში ნორმალურად მზარდი ბაქტერიები დისბალანსშია.
ამ დროს აუცილებელია შარდის ბუშტის ინფექციის მკურნალობა. თუ ინფექცია თირკმელებში გავრცელდება, სხვა დაავადებების განვითარების რისკი იზრდება.
მიუხედავად იმისა, რომ ბაქტერიული ინფექციები ცისტიტის ყველაზე გავრცელებული მიზეზია, არაინფექციურმა ფაქტორებმა ასევე შეიძლება გამოიწვიოს შარდის ბუშტის ანთება.
არსებობს წამლისგან გამოწვეული წისტიტი. მედიკამენტი გაივლის ორგანიზმში და საბოლოოდ გამოდის შარდსასქესო სისტემის მეშვეობით. ზოგიერთი მედიკამენტი აღიზიანებს ბუშტს, როდესაც ისინი გამოდიან თქვენი სხეულიდან.
რადიაციული თერაპია გამოიყენება კიბოს უჯრედების მოსაკლავად და სიმსივნეების შესამცირებლად, მაგრამ მას ასევე შეუძლია დააზიანოს ჯანსაღი უჯრედები და ქსოვილები. მენჯის არეში რადიაციული მკურნალობა ზოგ შემთხვევაში ბუშტის ანთების გამომწვევია.
კათეტერის მილი ხშირად გამოიყენება შარდის გამოყოფის გასაადვილებლად. ამ აპარატის მუდმივი მოხმარება ზრდის ბაქტერიული ინფექციის რისკს და აზიანებს საშარდე გზების ქსოვილებს.
ცისტიტის ნიშნები და სიმპტომები:
დაავადება ზოგჯერ გავლენას ახდენს ადამიანის ფსიქიკურ მდგომარეობაზე და ავითარებს დეპრესიასა და შფოთვას.
მცირეწლოვან ბავშვებში დღის განმავლობაში უნებლიე შარვლა ასევე ერთ-ერთი სიმპტომია. მცირეწლოვან ბავშვებში და ჩვილებში ცისტიტის ნიშნები ძალიან სერიოზულად უნდა იქნას მიღებული. ეს შეიძლება იყოს შარდის რეფლუქსის მანიშნებელი. შარდვის რეფლუქსის დროს შარდი უბრუნდება სხეულს, ნაცვლად იმისა, რომ დატოვოს იგი.
მთავარი მიზეზი გახალავთ ფიზიკური ანატომია. ქალებს აქვთ მოკლე ურეთრა. ეს ნიშნავს, რომ ბაქტერიები, რომლებიც ინფექციას იწვევენ, მარტივად აღწევენ შარდის ბუშტამდე.
თქვენ ხართ რისკის ქვეშ, თუ:
სათანადო მედიკამენტებით დაუყოვნებლივ მკურნალობისას, შარდის ბუშტის ინფექცია იშვიათად იწვევს გართულებებს. მაგრამ თუ დროულად არ დაიწყო მკურნალობა, მას ზოგჯერ სერიოზული პრობლემა მოჰყვება.
ექიმი ჩაატარებს ფიზიკურ გამოკვლევას და პაციენტს გამოჰკითხავს სიმპტომების შესახებ. ამის შემდეგ, როგორც წესი, ტარდება შარდის ანალიზი შარდში ბაქტერიების, სისხლის ან ჩირქის შესამოწმებლად.
ცისტიტის გამომწვევი მიზეზი თუ შარდის ბუშტის ინფექცია, ექიმმა შეიძლება სხვა ტესტები არ ჩაატაროს. მაგრამ თუ პაციენტი რომელიმე ამ ჯგუფს მიეკუთვნება, არის შანსი დაინიშნოს სხვა ტესტები ცისტიტის მიზეზის დასადგენად:
დამატებითი მეთოდები მიზეზების დასადგენად:
ბაქტერიული ინფექციით გამოწვეულ ცისტიტს, როგორც წესი, ანტიბიოტიკებით მკურნალობენ. სხვა სახის ცისტიტის მკურნალობა დამოკიდებულია იმაზე, თუ რა იწვევს მას.
ანტიბიოტიკები ბაქტერიებით გამოწვეული ცისტიტის მკურნალობის პირველი ხაზია. რომელი წამლები გამოიყენება და რამდენ ხანს, ეს დამოკიდებულია პაციენტის ჯანმრთელობაზე და შარდში აღმოჩენილ ბაქტერიებზე.
არ არსებობს ერთი სტანდარტული მეთოდი, რითიც ხდება მკურნალობა. იმის გამო, რომ ანთების მიზეზი უცნობია, ექიმი ზოგჯერ პაციენტს აძლევს რეკომენდაციებს, თუ როგორ მოიქცეს. პირველი ეტაპი არის ცხოვრების წესის შეცვლა:
მეორე ეტაპი მოიცავს მედიკამენტებს და სხვა მკურნალობას.
ქირურგია არის უკანასკნელი საშუალება, რომელიც განიხილება მხოლოდ მაშინ, როდესაც სხვა მკურნალობა წარუმატებელი აღმოჩნდა.
შეგახსენებთ, მედიკამენტები ინიშნება ექიმის მიერ და თვითნებურად მიღება დაუშვებელია.
დაუყოვნებლივ მიმართეთ სამედიცინო დახმარებას, თუ გაქვთ თირკმლის ინფექციის ნიშნები და სიმპტომები. ესენი მოიცავს:
თუ გაგივითარდათ ხშირი და მტკივნეული შარდვა, რომელიც გრძელდება რამდენიმე საათს ან მეტხანს, ან თუ შეამჩნევთ სისხლს შარდში, სასწრაფოდ დაურეკეთ ექიმს. თუ წარსულში დაგისვეს საშარდე გზების ინფექციის დიაგნოზი და გამოგიჩნდათ მსგავსი სიმპტომები, ამ შემთხვევაშიც დაუკავშირდით ექიმს.
1. ცისტიტი ახდენს გავლენას სექსუალურ ცხოვრებაზე?
დიახ, ცისტიტის მქონე ბევრ ადამიანს აქვს სქესობრივი აქტის წინ, დროს და მის შემდეგ. სქესობრივი ლტოლვის დაკარგვა ასევე ერთ-ერთი სიმპტომია.
2. არსებობს ცისტიტის სახლში მკურნალობის საშუალებები?
ბევრი წყლის დალევა, მუცელზე გამათბობელი ბალიშის გამოყენება კომფორტისთვის და ტკივილგამაყუჩებლების მიღება, რომლებიც გაიცემა რეცეპტის გარეშე, დაგეხმარებათ სიმპტომების შემსუბუქებაში. თუმცა, სრულად სამკურნალოდ მნიშვნელოვანია ექიმთან კონსულტაცია.
3. კვება მოქმედებს ცისტიტზე?
დიახ, კვების რაციონი მოქმედებს ცისტიტის სიმპტომებზე. საკვები და სასმელები, რომლებიც აღიზიანებენ შარდის ბუშტს, როგორიცაა კოფეინი, ალკოჰოლი, ცხარე საკვები და მჟავე ხილი, ხშირად აუარესებს სიმპტომებს.
23 აპრ 2024