სიმბიკორტი — მედიკამენტი ასთმისა და ფილტვის ქრონიკული ობსტრუქციული დაავადების სამართავად
13 დეკ 2024

სიმბიკორტი (Symbicort) ტურბუჰალერი არის კომბინირებული ინჰალაციური პრეპარატი, რომელიც შეიცავს ორ აქტიურ ნივთიერებას: ბუდესონიდს და ფორმოტეროლს. პირველი მათგანი გლუკოკორტიკოსტეროიდების ჯგუფს მიეკუთვნება და ამცირებს სასუნთქი გზების ანთებას, ხოლო ფორმოტეროლი ხანგრძლივი მოქმედების ბეტა-აგონისტია, რომელიც აფართოებს ბრონქებს და სუნთქვას ამარტივებს. სიმბიკორტი ბრონქული ასთმისა და ფილტვის ქრონიკული ობსტრუქციული დაავადების სამკურნალოდ გამოიყენება.
ეს მედიკამენტი ხელმისაწვდომია ინჰალაციური ფხვნილის სახით. აქტიური ნივთიერებების — ბუდესონიდისა და ფორმოტეროლის კონცენტრაციის მიხედვით, სიმბიკორტის სამი განსხვავებული ვერსია არსებობს: სიმბიკორტი 80/4.5მკგ, სიმბიკორტი 160/4.5მკგ და სიმბიკორტი 320/9მკგ. მედიკამენტის ფასებიც სწორედ მათ მიხედვით არის განსხვავებული. აღსანიშნავია, რომ ამ სამი ვერსიიდან პირველი 6-12 წლის ბავშვებისთვის არის განკუთვნილი, ხოლო დანარჩენი ორი — ზრდასრულებისთვის.
სიმბიკორტი შეიძლება იყოს როგორც შვედური, ისე თურქული წარმოების.
ეს მედიკამენტი ყოველთვის ექიმის, ექთნის ან ფარმაცევტის დანიშნულების მიხედვით უნდა იქნას გამოყენებული. სიმბიკორტის სწორი მოხმარების ინსტრუქცია კი ასეთია:
არ სცადოთ მუნდშტუკის მოხსნა, რადგან ის მყარად არის მიმაგრებული ინჰალატორზე და არ იხსნება. მართალია, ის ტრიალებს, მაგრამ მისი საჭიროების გარეშე დატრიალება რეკომენდებული არ არის.
მედიკამენტის გამოყენებისას შესუნთქული ფხვნილის რაოდენობა მცირეა, ამიტომ, შესაძლოა, ინჰალაციის შემდეგ მისი გემო ვერ იგრძნოთ. თუმცა, თუ ინსტრუქციას სწორად მიჰყვებით, შეგიძლიათ დარწმუნებული იყოთ, რომ საჭირო დოზა მიღებული გაქვთ. ამასთან, თუ სიმბიკორტის გამოყენებამდე ინჰალატორის ჩატვირთვის პროცედურას რამდენჯერმე არასწორად გაიმეორებთ, ინჰალაციისას ერთი დოზა მაინც მოგეწოდებათ.
დოზის ინდიკატორის საშუალებით შეგიძლიათ, ინჰალატორში დოზების მიახლოებული რაოდენობა გაიგოთ. ის არა თითოეულ დოზას, არამედ აჩვენებს ინტერვალს 10 დოზაში. ინჰალატორის ყოველი გამოყენების შემდეგ შეიძლება დოზის ცვლილება ვერ შეამჩნიოთ ინდიკატორის ფანჯარაში. ამ უკანასკნელში წითელი ფონის გამოჩენა მიგვანიშნებს, რომ სიმბიკორტის მხოლოდ 10 დოზაა დარჩენილი. ხოლო როდესაც ინდიკატორის ფანჯრის ცენტრში წითელ ფონზე ციფრი „0” გამოჩნდება, ინჰალატორი აღარ გამოიყენება და მისი შეცვლაა საჭირო.
გაითვალისწინეთ: მუნდშტუკი გარედან რეგულარულად, კვირაში ერთხელ, მშრალი ტილოთი უნდა გაასუფთაოთ — ამისთვის წყალი ან სხვა სითხე არ გამოიყენოთ.
სიმბიკორტის დოზა განსხვავებული იქნება სხვადასხვა პაციენტისთვის. ქვემოთ მოყვანილი ინფორმაცია მხოლოდ საშუალო დოზებს მოიცავს და, შესაძლოა, კონკრეტულ შემთხვევაში ექიმის დანიშნულება მათგან განსხვავებული იყოს.
გარდა ამისა, ყოველდღიურად მიღებული დოზების მოცულობა, მათ შორის დაცული ინტერვალები და პრეპარატის გამოყენების ხანგრძლივობა დამოკიდებულია სამედიცინო მდგომარეობაზე, რომლის სამკურნალოდაც მას იყენებთ.
ასთმის შეტევის თავიდან ასაცილებლად საშუალო დოზირება ასეთია:
ფილტვის ქრონიკული ობსტრუქციული დაავადების შეტევების მკურნალობისა და პრევენციის მიზნით:
სიმბიკორტის ანოტაციაში ვკითხულობთ, ეს პრეპარატი არ უნდა მოიხმარონ პაციენტებმა, რომლებსაც აღენიშნებათ ჰიპერმგრძნობელობა მისი ინგრედიენტების მიმართ. ამასთან, პრეპარატის გამოყენება არ შეიძლება 6 წლამდე ასაკის ბავშვებისთვის.
გარდა ამისა, სიმბიკორტი სიფრთხილით გამოიყენება შემდეგი სამედიცინო მდგომარეობების მქონე პაციენტებში:
ორსულობის პერიოდში სიმბიკორტის აქტიური ნივთიერებების, ბუდესონიდისა და ფორმოტეროლის, კომბინაციის გამოყენების შესახებ საკმარისი კლინიკური მონაცემები არ არსებობს. ლაქტაციის შემთხვევაში კი უცნობია, გადადის თუ არა ეს ნივთიერებები დედის რძეში. ამიტომ, ორივე შემთხვევაში, სიმბიკორტის დანიშვნა შესაძლებელია მხოლოდ მაშინ, როდესაც დედისთვის მოსალოდნელი სარგებელი ბავშვისთვის პოტენციურ რისკს აღემატება.
ამასთან, ეს მედიკამენტი არ გამოიყენება ბრონქული ასთმის მკურნალობის პირველ ეტაპზე.
საგულისხმოა, რომ რეკომენდებულია სიმბიკორტის დოზის თანდათან შემცირება და არა — მედიკამენტის მოხმარების უეცრად შეწყვეტა.
გაითვალისწინეთ: სიმბიკორტის გამოყენებამდე, ექიმს გააცანით თქვენ მიერ გამოყენებული მედიკამენტების სია, გარდა ამისა, მოუყევით იმ სამედიცინო მდგომარეობების შესახებ, რომლებიც გაქვთ ან წარსულში გქონიათ.
სიმბიკორტის, ისევე, როგორც სხვა მედიკამენტების, გამოყენებას თან ახლავს გარკვეული გვერდითი მოვლენები. ზოგიერთი მათგანი შეიძლება იყოს ხშირი და მსუბუქი, ხოლო სხვები — იშვიათი და უფრო სერიოზული.
ხშირი:
ნაკლებად ხშირი:
იშვიათი:
ძალიან იშვიათი:
შესაძლებელია, პრეპარატის გამოყენებისას სხვა გვერდითი მოვლენებიც გამოვლინდეს. მნიშვნელოვანია ყურადღება მიაქციოთ ორგანიზმის რეაქციებს და საჭიროების შემთხვევაში მიმართოთ ექიმს.
13 დეკ 2024