ნიუკლავი ინფექციების წინააღმდეგ — რა უნდა ვიცოდეთ ამ პრეპარატზე
8 აგვ 2025

ბაქტერიული ინფექციები თანამედროვე მედიცინაში ერთ-ერთ ყველაზე გავრცელებულ პრობლემად რჩება. მათთან გასამკლავებლად ფართო სპექტრის ანტიბიოტიკები იქმნება, რომელთა დახმარებითაც სხვადასხვა ტიპის ბაქტერიის განადგურება შესაძლებელი ხდება. ერთ-ერთი ასეთი პრეპარატია ნიუკლავი, რომელიც სუსპენზიისა და ტაბლეტების სახითაა წარმოდგენილი. იგი განკუთვნილია როგორც ბავშვების, ისე მოზრდილების სამკურნალოდ.
ნიუკლავი ინფექციის გამომწვევ ბაქტერიებს მიზანმიმართულად ანადგურებს. მისი მოქმედება ორ აქტიურ ნივთიერებას ეფუძნება: ამოქსიცილინსა და კლავულანის მჟავას. ამოქსიცილინი არის ნახევრადსინთეზური ანტიბიოტიკი, რომელიც პენიცილინის ჯგუფს მიეკუთვნება და სხვადასხვა ბაქტერიული ინფექციის სამკურნალოდ გამოიყენება.
ზოგიერთ შემთხვევაში ბაქტერიებს უნარი აქვთ, გამოიმუშაონ ენზიმები (ბეტა-ლაქტამაზები), რომლებიც ამოქსიცილინს ანეიტრალებს. შედეგად პრეპარატის ეფექტიანობა იკარგება, მაგრამ ამ მექანიზმის საწინააღმდეგოდ კლავულანის მჟავა მუშაობს. ის ბეტა-ლაქტამაზებს ბლოკავს და ამოქსიცილინის მოქმედების შენარჩუნებას უწყობს ხელს.
ნიუკლავის სუსპენზია და ტაბლეტები სხვადასხვა ინფექციასთან საბრძოლველად გამოიყენება, მათ შორის:
გასათვალისწინებელია, რომ ანტიბიოტიკები მხოლოდ ბაქტერიული ინფექციების სამკურნალოდაა განკუთვნილი, ამიტომ არ ზემოქმედებს ისეთ ვირუსულ დაავადებებზე, როგორიც გრიპი ან გაციებაა. მიუხედავად იმისა, რომ ბაქტერიული ინფექციების წინააღმდეგ ბრძოლაში ანტიბიოტიკები უალტერნატივო იარაღია, მათი არასწორი ან გადამეტებული გამოყენება სერიოზულ პრობლემას იწვევს — ბაქტერიული რეზისტენტობის განვითარებას. ეს ნიშნავს, რომ ბაქტერიები იძენენ უნარს, ანტიბიოტიკის ზემოქმედებას გადაურჩნენ, რაც მკურნალობას უშედეგოს ხდის.
რეზისტენტობის განვითარების რისკის შესამცირებლად ანტიბიოტიკების გონივრული და სამედიცინო მითითების შესაბამისად გამოყენება მნიშვნელოვანია. ამისთვის:
ნიუკლავის 1000 მგ. ტაბლეტების გამოყენებამდე აუცილებლად გაიარეთ ექიმთან კონსულტაცია და მის მიერ დანიშნულ მკურნალობის კურსს მიჰყევით.
ნიუკლავის ტაბლეტის რეკომენდებული დოზები მოზრდილებსა და 40 კგ-ზე მეტი წონის ბავშვებში დღეში ორ ან სამ აბს მოიცავს (დიდი დოზის შემთხვევაში). ყოველი მიღება სასურველია კვების დაწყებისას ან მის წინ, ერთ ჭიქა წყალთან ერთად. დოზებს შორის რეკომენდებულია სულ მცირე 4-საათიანი ინტერვალი. მკურნალობა 2 კვირაზე მეტი ხნის განმავლობაში არ უნდა გაგრძელდეს.
40 კგ-ზე ნაკლები წონისა და 6 წლამდე ბავშვებში უპირატესობა ნიუკლავის სუსპენზიას ენიჭება. ამ ასაკობრივ ჯგუფში აბებით მკურნალობის დაწყებამდე აუცილებელია კონსულტაცია ექიმთან ან ფარმაცევტთან, ხოლო 25 კგ-ზე ნაკლები წონის ბავშვებში ტაბლეტებით მკურნალობა დაუშვებელია.
ნიუკლავის 457 მგ. სუსპენზიის დოზა ბავშვებისთვის სხეულის წონის მიხედვით განისაზღვრება:
სტანდარტული დოზაა დღეში ორ მიღებად დაყოფილი 25მგ/3.6მგ-დან 45მგ/6.4მგ-მდე პრეპარატი სხეულის თითო კილოგრამ წონაზე. დიდი დოზა ერთ კილოგრამზე 70მგ/10მგ-ია, რომელიც ასევე ორ მიღებად ნაწილდება.
ნიუკლავის (457) ანოტაციაში ნათქვამია, რომ ბავშვმა პრეპარატი კვების დაწყებისას ან მანამდე უნდა მიიღოს. ყოველი მიღების წინ ფლაკონი კარგად უნდა შეინჯღრეს, რათა ერთგვაროვანი სითხე მიიღოთ.
ნიუკლავის ორივე ფორმის გამოყენების შემთხვევაში თირკმლის ფუნქციის დაქვეითებისას დოზის კორექტირებაა საჭირო. ღვიძლის დაავადებებისას შეიძლება მისი ფუნქციის ხშირი მონიტორინგი გახდეს საჭირო, რაც სისხლის ანალიზებს გულისხმობს. შესაბამის რეჟიმს მკურნალი ექიმი განსაზღვრავს.
ნიუკლავის ტაბლეტების ან სუსპენზიის მიღებისას გამოტოვებული დოზა გახსენებისთანავე უნდა დალიოთ, ხოლო შემდეგი დოზა — არაუმეტეს 4 საათში. კომპენსაციის მიზნით გაორმაგებული დოზა დაუშვებელია. დოზის გადაჭარბებისას, შესაძლოა, კუჭ-ნაწლავის პრობლემა ან, იშვიათად, კონვულსიები გამოვლინდეს. ამ შემთხვევაში დაუყოვნებლივ მიმართეთ ექიმს და თან იქონიეთ პრეპარატის შეფუთვა.
ნიუკლავის მიღება არ უნდა შეწყდეს თვითნებურად, თუნდაც სიმპტომების გაქრობის შემდეგ. მკურნალობის კურსის დაუსრულებლობამ შეიძლება ინფექციის რეციდივი გამოიწვიოს.

ნიუკლავის მიღება არ შეიძლება, თუ:
თუ არ ხართ დარწმუნებული, გეხებათ თუ არა თქვენ ზემოაღნიშნული მდგომარეობები, ნიუკლავის მიღებამდე სამედიცინო რჩევისთვის აუცილებლად მიმართეთ სპეციალისტს. ზოგიერთ შემთხვევაში, ინფექციის გამომწვევის დასადგენად, ექიმმა შეიძლება ჩაგიტაროთ ბაქტერიული ანალიზი, რაც შესაბამისი დოზის ან სხვა ანტიბიოტიკის შერჩევას შეუწყობს ხელს.
ნიუკლავის მიღებამ, შესაძლოა, სისხლისა და შარდის ანალიზის შედეგი შეცვალოს. მაგალითად: ღვიძლის ფუნქციის, სისხლის წითელი უჯრედების ან შარდში გლუკოზის განსაზღვრის დროს. შესაბამისად, ტესტირებამდე აცნობეთ ექიმს, რომ ამ პრეპარატს იღებთ.
მნიშვნელოვანია აცნობოთ ექიმს ან ფარმაცევტს, თუ გეგმავთ, ახლა იღებთ ან ცოტა ხნის წინ იღებდით რომელიმე სხვა სამკურნალო საშუალებას (მათ შორის რეცეპტის გარეშე გაცემულ მედიკამენტებს). განსაკუთრებული ყურადღება საჭიროა შემდეგ შემთხვევებში:
თუ ორსულად ხართ ან ბავშვს ძუძუთი კვებავთ, ნიუკლავის მიღებამდე სამედიცინო კონსულტაცია აუცილებელია. ნიუკლავმა შეიძლება ისეთი გვერდითი მოვლენები გამოიწვიოს, რომლებიც ავტომობილის ან მექანიზმების მართვის უნარზე უარყოფითად იმოქმედებს. შესაბამისად, თავი შეიკავეთ ავტომობილის მართვისგან ან ტექნიკასთან მუშაობისგან, თუ თავს კარგად არ გრძნობთ.
ნებისმიერი სამკურნალო საშუალების მსგავსად, ნიუკლავმაც შეიძლება არასასურველი ეფექტები გამოიწვიოს, თუმცა ისინი ყველა პაციენტში არ ვლინდება. ზოგიერთი გვერდითი მოვლენა მსუბუქია და მკურნალობის შეწყვეტის გარეშეც ქრება, ხოლო ზოგიერთ შემთხვევაში ექიმის დაუყოვნებლივი ჩარევაა აუცილებელი. განსაკუთრებული სიფრთხილე ალერგიის, ნაწლავის ანთების, ღვიძლის ან თირკმლის ფუნქციის ცვლილებებისა და კანის რეაქციების განვითარების რისკის გამოა საჭირო.
ნიუკლავი, შესაძლოა, გავლენას ახდენდეს სისხლის ან შარდის ანალიზების შედეგებზე. შესაბამისად, აუცილებელია, ექიმს ან ექთანს წინასწარ აცნობოთ, რომ აღნიშნულ პრეპარატს იღებთ, განსაკუთრებით ღვიძლის ფუნქციის, სისხლის შედედების ან შარდში გლუკოზის განსაზღვრის დაგეგმვისას.
ნიუკლავი პსპ-ს სააფთიაქო ქსელში ხელმისაწვდომია, როგორც ბავშვებისთვის, ისე მოზრდილებისთვის განკუთვნილი ფორმით. ნიუკლავის ფასი სუსპენზიის შემთხვევაში დაახლოებით 19 ლარია, ხოლო ტაბლეტების — 23 ლარი. რა თქმა უნდა, მათზე ვრცელდება ფასდაკლებებიც.
8 აგვ 2025